Դուշանբեում Ղրղզստանի դեսպան Էրդան Աբդիլդաևին կանչել են Տաջիկստանի արտաքին գործերի նախարարություն, մտահոգություն հայտնել ավելի վաղ սահմանային հարցերի վերաբերյալ Ղրղզստանի բարձրաստիճան պաշտոնյայի հայտարարությունների կապակցությամբ:
Նախօրեին Ղրղզստանի ազգային անվտանգության պետական կոմիտեի ղեկավար Կամչիբեկ Տաշիևը հայտարարել էր Տաջիկստանին տարածքային պահանջներ ներկայացնելու հնարավորության մասին՝ հայտնաբերված նոր իրավական և պատմական փաստաթղթերի հիման վրա:
Տաջիկստանի ԱԳՆ-ից հայտնել են, որ նման մեկնաբանությունները կարող են լուրջ վնաս հասցնել տաջիկ-ղրղզական սահմանի սահմանազատման և սահմանագծման բանակցային գործընթացին, ինչպես նաև փոխադարձ վստահությանը: