Իրանի նախագահ Էբրահիմ Ռայիսին Թուրքիայի արտգործնախարար Հաքան Ֆիդանի հետ հանդիպմանը արդյունավետ է համարել գոյություն ունեցող խնդիրների և մարտահրավերների լուծման ուղղությամբ տարածաշրջանի երկրների մերձեցումն ու նրանց միջև կոնսենսուսը: Նրա խոսքով՝ «օտարների միջամտությունն» ավելի է խորացնում տարածաշրջանի խնդիրները:
Ռայիսին կարևորել է Գազայում հանցագործությունների կանխման գործում Թուրքիայի դերակատարումը և ընդգծել հարձակումները դադարեցնելու համար մուսուլմանական երկրների կողմից Իսրայելին ճնշելու անհրաժեշտությունը:
Ֆիդանը տարածաշրջանի խնդիրները տարածաշրջանային բանակցությունների միջոցով և առանց արտաքին միջամտության լուծելու հարցում համերաշխություն է հայտնել Իրանին: Նա ազդեցիկ, որոշիչ և նախաձեռնողական է համարել տարածաշրջանում խաղաղության ու կայունության հաստատման ուղղությամբ Իրանի դերակատարումը:
Ռայիսին ու Ֆիդանն ընդգծել են առկա խնդիրները տարածաշրջանի ներսում կարգավորելու անհրաժեշտությունը
