Վրաստանի տնտեսությունում օտարերկրյա ուղղակի ներդրումներն առաջին կիսամյակում նվազել են մեկ երրորդով

Օտարերկրյա ուղղակի ներդրումները (ՕՈՒՆ) Վրաստանի տնտեսությունում 2024 թվականի հունվար-հունիսին կազմել են 768,6 մլն դոլար, տարեկան կտրվածքով այն կրճատվել է 34 տոկոսով՝ հաղորդում է Վրաստանի ազգային վիճակագրական ծառայությունը։ 2023 թվականին Վրաստանի տնտեսության մեջ օտարերկրյա ուղղակի ներդրումները նախորդ տարվա համեմատ նվազել էին 24%-ով՝ մինչև 1,6 մլրդ դոլար:

Երկրորդ եռամսյակում ՕՈՒՆ-ը կազմել է 574,3 մլն դոլար, ներառյալ վերաներդրումները՝ 451,3 մլն դոլար:

Ըստ ճյուղային կառուցվածքի՝ ֆինանսական և ապահովագրական գործունեության ոլորտին երկրորդ եռամսյակում բաժին է ընկել 300,1 մլն դոլար ՕՈՒՆ, առևտրին՝ 79,2 մլն դոլար, վերամշակող արդյունաբերությանը՝ 55,5 մլն դոլար: Ընդամենը այդ ոլորտներին է բաժին ընկնում տվյալ ժամանակահատվածում ստացված օտարերկրյա ուղղակի ներդրումների 75,7%-ը:

Երկրորդ եռամսյակում ՕՈՒՆ-ի ծավալով առաջատարներն են եղել Մեծ Բրիտանիան՝ 266,7 մլն դոլար, Ճապոնիան՝ 59,2 մլն դոլար, Մալթան՝ 37,9 մլն դոլար։