Եվրոպայի խորհրդի խորհրդարանական վեհաժողովի Վրաստանի հարցով մոնիտորինգի համազեկուցողներ Կլոդ Քերնը և Էդիթ Էստրելլան հունվարի 14-16-ը փաստահավաք առաքելությամբ կայցելեն Վրաստան, հայտարարել է Եվրախորհրդի խորհրդարանական վեհաժողովը։
«Այցի նպատակն է գնահատել Վրաստանի, որպես Եվրախորհրդի անդամ երկրի՝ ստանձնած պարտավորությունների և պարտականությունների կատարումը, հատկապես հոկտեմբերյան ընտրություններից հետո շարունակվող քաղաքական ճգնաժամի և ԵՄ անդամակցության բանակցությունների դադարեցման լույսի ներքո»,- ասվում է տեղեկատվության մեջ։
Մամուլի հաղորդագրության համաձայն, այցի ընթացքում համազեկուցողները կհանդիպեն բոլոր հիմնական քաղաքական կուսակցությունների ղեկավարության, կառավարության ներկայացուցիչների ու կառույցների, ինչպես նաև քաղաքացիական հասարակության և միջազգային հանրության հետ։
«Սա հերթական մոնիտորինգային այցն է և չպետք է դիտարկվի որպես լեգիտիմության քաղաքական հաստատում կամ այն զրուցակիցների տեսակետները, որոնց նրանք հանդիպելու են», — նշվում է տեղեկատվության մեջ։ Մամուլի հաղորդագրության համաձայն՝ համազեկուցողները նախատեսում են այցելել բողոքի մի քանի ձերբակալված մասնակիցների, «որոնց մեղադրանքն ու կալանավորումը մտահոգություն են առաջացրել»։