ՄԱԿ-ի գլխավոր քարտուղար Անտոնիու Գուտերեշը COP-29-ի գագաթնաժողովի բացման արարողությունը հայտարարել է, որ աշխարհը պետք է մարի կլիմայական ֆինանսավորման պարտքը, այլապես մարդկությունը թանկ գին կվճարի: «Կլիմայական փոփոխության դեմ պայքարը ոչ թե ընտրություն է, այլ անհրաժեշտություն»,- հավելել է Գուտերեշը: Նա նախազգուշացրել է՝ ջերմաստիճանի գլոբալ բարձրացումը կանխելու համար նախատեսված ժամկետը սպառվում է, կոչ արել նվազեցնել արտանետումները: «Ժամանակը մեր օգտին…

Վրաստանի վարչապետը հայտարարել է, որ COP-29-ը կարևոր իրադարձություն է Հարավային Կովկասի տարածաշրջանի համար։ «Ինձ համար մեծ պատիվ էր մասնակցել ՄԱԿ-ի Կլիմայի փոփոխության համաժողովին, որն անցկացվում է Բաքվում։ Սա կարևոր հանգրվան է Հարավային Կովկասի տարածաշրջանի համար։ Մեր գործընկերների հետ քննարկեցինք կլիմայի փոփոխության հետ կապված խնդիրները և դրանց արդյունավետ լուծումները կայուն ապագայի համար»,- X-ի իր միկրոբլոգում գրել…

Ադրբեջանի և Հայաստանի հիդրոլոգների ու ինժեներների խումբը ԱՄՆ-ի աջակցությամբ համատեղ աշխատում է տարածաշրջանի անդրսահմանային գետերի ջրային ռեսուրսների ինտեգրված կառավարման սխեմայի վրա: Այդ մասին COP-29-ի շրջանակում հայտնել է Ադրբեջանում ԱՄՆ դեսպան Մարկ Լիբբին:

Հայաստանի հետ խաղաղության պայմանագրի հիմնական կետերը համաձայնեցված են՝ հայտարարել է Ադրբեջանի արտգործնախարարը:   «Այժմ չեմ ցանկանում թվերի մասին խոսել, բայց դեռևս կան կարևոր կետեր, որոնք հարկավոր է համաձայնեցնել»,- մանրամասնել է Ջեյհուն Բայրամովը։   Նա նշել է, թե, իբր, մինչև տարեվերջ խաղաղության համաձայնագրի ստորագրումը կախված է Երևանից: Բայրամովը նշել է, թե Բաքուն հետաքրքրված է կարգավորման գործընթացով…

Երեկ երեկոյան Ամստերդամում կրկին անկարգություններ են տեղի ունեցել զանգվածային ցույցերի արգելքից հետո։ Քաղաքի արևմտյան մասում փայտերով ու քարերով զինված տասնյակ երիտասարդներ վնասել են խանութների ցուցափեղկերի ավտոմեքենաները, այրել են տրամվայ՝ վանկարկելով հակաիսրայելական և պրոպաղեստինյան կարգախոսներ: Հաղորդվում է ձերբակալությունների մասին։ Նիդերլանդների ոստիկանությունը ևս հինգ մարդու է ձերբակալել՝ իսրայելցի ֆուտբոլասերների վրա հարձակումներին մասնակցելու կասկածանքով: Վարչապետ Դիկ Սխովը հայտարարել…

COP-29-ի ներառականությունն ապահովելու համար Ադրբեջանը հրավերներ է ուղարկել ինչպես կոնվենցիայի անդամ կողմերին, այնպես էլ Հայաստանին` հայտարարել է Ադրբեջանի արտգործնախարար Ջեյհուն Բայրամովը: «Չնայած այն հանգամանքին, որ Հայաստանը համաժողովին մասնակցելու համար գրանցել է իր մի քանի ներկայացուցիչների, նրանց մասնակցությունը COP-29-ին մենք չենք տեսնում։ Կարծում ենք՝ սա բաց թողնված հնարավորություն է նրանց համար»,- ասել է պաշտոնյան։ Երեկ փոխարտգործնախարար…

Իսրայելական օդուժը հարվածել է Լիբանանի հյուսիսում գտնվող Էյն Յակուբ բնակավայրի շինություններից մեկին, որտեղ բնակվել են լիբանանցի և սիրիացի փախստականներ՝ հայտնում են լիբանանյան ԶԼՄ-ները։ Նախնական տվյալով՝ զոհվել է 30 մարդ։ Լիբանանից էլ մոտ 200 հրթիռ է արձակվել Իսրայելի ուղղությամբ: Նավահանգստային Հայֆա քաղաքում հրդեհներ են բռնկվել, կան տուժածներ: Միաժամանակ, Իսրայելի արտգործնախարարը հայտարարել է՝ Լիբանանում հրադադարի շուրջ բանակցություններում…

Բաքվում COP-29-ի շրջանակում հանդիպել են Վրաստանի վարչապետը և Ադրբեջանի նախագահը: Վրացական կողմի տվյալով՝ Իրակլի Կոբախիձեն և Իլհամ Ալիևը քննարկել են կլիմայական համաժողովի և երկկողմ ռազմավարական գործընկերության հետ կապված հարցեր։   «Ղեկավարներն ընդգծել են տարբեր ոլորտներում հաջող գործակցությունը և համատեղ նախագծերի դերը Վրաստանի, Ադրբեջանի և ամբողջ տարածաշրջանի զարգացման հարցում»,- ասված է Վրաստանի կառավարության հաղորդագրության մեջ։  …

Թբիլիսիում բողոքի ցույցերը շարունակվում են: Երեկ ընդդիմությունը հանրահավաք է կազմակերպել Վրաստանի խորհրդարանի դիմաց «Մենք Եվրոպա ենք» կարգախոսի ներքո: Ակցիայի մասնակիցները բողոքել են երկրում անցած խորհրդարանական ընտրությունների արդյունքներից և աջակցություն հայտնել Վրաստանի եվրոպական ինտեգրմանը:   Հանրահավաքի ընթացքում ելույթ են ունեցել Թբիլիսի մեկնած եվրոպացի պատգամավորներ՝ Բալթյան երկրներից, Ֆինլանդիայից, Ֆրանսիայից, Գերմանիայից, Լեհաստանից և Շվեդիայից: Նրանք վստահություն են հայտնել,…

Ադրբեջանի նախագահի օգնականն ափսոսանք է հայտնել, որ Երևանը պատվիրակություն չի ուղարկել՝ մասնակցելու COP-29-ին:   «Միևնույն ժամանակ, Երևանը շարունակում է խոսել տարածաշրջանային գործակցության և գործընկերության մասին»,- հավելել է Հիքմեթ Հաջիևը:   Նա նաև մեղադրել է Հայաստանին՝ կլիմայական համաժողովին ընդառաջ, իբր, հակաադրբեջանական քարոզչություն վարելու համար: Նույն մեղադրանքները Հաջիևը հնչեցրել է նաև Արևմուտքի հասցեին:   Երեկ փոխարտգործնախարար Վահան…

Էր-Ռիադում 50 երկրի ղեկավարների և ներկայացուցիչների մասնակցությամբ Իսլամական համագործակցության կազմակերպության և Արաբական պետությունների լիգայի համատեղ արտահերթ գագաթնաժողովի մասնակիցները ՄԱԿ ԱԽ-ից պահանջել են ստեղծել հատուկ անկախ հանձնաժողով՝ Գազայի հատվածում Իսրայելի հանցագործությունների ուսումնասիրության համար, ասված է գագաթնաժողովի արդյունքում ընդունված հայտարարության մեջ։ «Ամենավճռական ձևով դատապարտում ենք սարսափեցնող և ցնցող հանցագործությունները, որ իրագործվել են Գազայի հատվածում իսրայելական օկուպացիոն բանակի կողմից,…

Իսրայելի ԱԳ նախարար Գեդեոն Սաարը դեմ է արտահայտվել ներկա իրավիճակում Պաղեստին պետության ստեղծմանը։ «Մեկ բառով ասած՝ ոչ»,- հայտնել է նա՝ պատասխանելով համապատասխան հարցին։ Նախարարն իր դիրքորոշումը բացատրել է նրանով, որ նախկինում, երբ Իսրայելն իր զորքերը դուրս էր բերել Գազայի հատվածից՝ այդ կերպ իրականացնելով 1993 թ․ ստորագրված համաձայնության պայմանները, անվտանգության ոլորտում իրավիճակը զգալիորեն վատացել է։

Փարիզը պատրաստվում է Ազգերի լիգայի շրջանակում ընդունել Ֆրանսիայի և Իսրայելի հավաքականների հանդիպումը։ Այն տեղի կունենա Ամստերդամում բռնությունների բռնկումից մեկ շաբաթ անց։ Ֆրանսիայի մայրաքաղաքում անվտանգությունն ապահովելու համար ներգրավված է 4000 ոստիկան։ «Ստադ դե Ֆրանս» մարզադաշտի շրջակայքը կհսկի իրավապահ մարմինների 2500 աշխատակից, 1500-ը՝ ամբողջ Փարիզն ու հասարակական տրանսպորտը: Հանդիպմանը ներկա է լինելու Ֆրանսիայի նախագահ Էմանուել Մակրոնը։

ԱՄՆ ընտրված նախագահ Դոնալդ Թրամփը դժվար թե երես թեքի ՆԱՏՕ-ից, քանի որ հասկանում է դաշինքի կարևորությունը Արևմուտքի հավաքական անվտանգության համար: Նման հայտարարությամբ է հանդես եկել Մեծ Բրիտանիայի պաշտպանության նախարար Ջոն Հիլին, նրա խոսքը մեջբերում Է Sky News հեռուստաալիքը։ «Ես չեմ ակնկալում, որ ԱՄՆ-ը երես թեքի ՆԱՏՕ-ից: Նրանք գիտակցում են դաշինքի կարևորությունը, գիտակցում են Եվրոպայում հետագա…

Բաքվում այսօր մեկնարկած COP29 համաժողովին մասնակցելու վերջնական որոշում չկա. խորհրդարանում լրագրողների հետ զրույցում տեղեկացրել է փոխարտգործնախարար Վահան Կոստանյանը։ «Այն պահին, երբ լինի որոշում՝ պատշաճ կերպով կտեղեկացնենք՝ մասնակցելու որոշում կա, թե չկա և ինչ մակարդակով»,- ասել է փոխնախարարը: Կոստանյանը նշել է, որ այդ որոշումը կախված է մի շարք հարցերից, այդ թվում՝ գերիների վերադարձի և խաղաղության պայմանագրի…

Եվրոպական խորհրդի նախագահ Շառլ Միշելը, որը Բաքվում մասնակցում է COP29 համաժողովին, շնորհավորել Է Իլհամ Ալիևին՝ գագաթնաժողովի անցկացման կապակցությամբ, ինչը, ըստ եվրոպացի պաշտոնյայի, կարևոր է կլիմայի ներկայիս օրակարգը խթանելու համար: «ԵՄ-ն հավատարիմ է ֆինանսական համերաշխության ու կլիմայի մեր նպատակներին հասնելուն: Մենք նաև անդրադարձել ենք երկկողմ հարաբերությունների բոլոր ասպեկտներին, ինչպես նաև Հայաստանի և Ադրբեջանի միջև հարաբերությունների կարգավորման…

Վրաստանի խորհրդարանի նախագահ Շալվա Պապուաշվիլին հրաժարվել է հանդիպել Թբիլիսի ժամանած եվրոպացի պատգամավորների հետ և գրավոր հայտնել է նրանց այդ որոշման պատճառների մասին։ Նա նշել է, որ Եվրամիության երկրներից այցելած պատգամավորները «բազմիցս անբարյացակամ վերաբերմունք են ցուցաբերել Վրաստանի նկատմամբ»։ «Վրաստանի և իշխանությունների հանդեպ հանրապետություն այցելած պատվիրակության որոշ անդամների անբարյացակամ հռետորաբանությունն ու գործողությունները, որոնց մենք ականատես ենք լինում…

Կիրակի՝ նոյեմբերի 10-ին, Գերմանիայի կանցլեր Օլաֆ Շոլցն իր առաջին պաշտոնական հեռախոսազրույցն է ունեցել ԱՄՆ նորընտիր նախագահ Դոնալդ Թրամփի հետ։ Կողմերը քննարկել են Բեռլինի և Վաշինգտոնի միջև «երկարատև համագործակցության» շարունակությունը, լրատվամիջոցներին ասել է Գերմանիայի կառավարության խոսնակ Շտեֆեն Հեբեշտրայթը։ Ըստ խոսնակի՝ Շոլցը Թրամփին առաջարկել է «շարունակել երկու երկրի կառավարությունների միջև տասնամյակների հաջող համագործակցությունը»։ Զրույցի ընթացքում քաղաքական գործիչները…

ՌԴ նախագահի մամուլի քարտուղար Դմիտրի Պեսկովը հայտարարել է, որ Պուտինի և Թրամփի միջև խոսակցությունը, որի մասին վերջերս գրել էր Washington Post թերթը, չի եղել, դա կեղծ տեղեկություն է: Հիշեցնենք, որ Washington Post-ը, հղում անելով իրազեկ աղբյուրներին, հայտնել էր հինգշաբթի Դոնալդ Թրամփի և Վլադիմիր Պուտինի հեռախոսազրույցի մասին։ Ըստ պարբերականի՝ կողմերը քննարկել են Ուկրաինայի պատերազմը, Թրամփը Պուտինին…

Բաքվում մեկնարկել է COP29 գագաթնաժողովը, իսկ միջոցառմանը մասնակցելուց հրաժարված շվեդ հայտնի էկոակտիվիստ Գրետա Թունբերգը Թբիլիսիում պատրաստվում է բողոքի ակցիա անցկացնել ընդդեմ ադրբեջանական ավտորիտարիզմի: Նա կոչ է արել միանալ Կովկասում տարածվող ավտորիտարիզմի և շահագործման ալիքի դեմ շարժմանը: «Ադրբեջանը, որպես քող օգտագործելով COP29-ը, ուժեղացնում է վերահսկողությունը կեղծ «կանաչ» օրակարգի շրջանակում, ամրապնդում է իր իշխանությունը և սրում լարվածությունը…

Բաքվում մեկնարկել է ՄԱԿ-ի կլիմայական COP29 համաժողովը։ Պատվիրակներն ամբողջ աշխարհից հավաքվում են այստեղ՝ հույս ունենալով ուղիներ գտնել՝ կանխելու գլոբալ ջերմաստիճանի բարձրացումը և կատարել Փարիզի համաձայնագրով տրված խոստումները: Ընթացիկ գագաթնաժողովը կոչվում է «ֆինանսական COP», քանի որ 15 տարվա մեջ առաջին անգամ կուսումնասիրվեն զարգացող երկրների ֆինանսավորման ծավալն ու կառուցվածքը՝ կլիմայական գործողություններին աջակցելու համար։ ՄԱԿ-ի տվյալներով՝ ավելի քան…

Նոյեմբերի 11-12-ը ՀՀ ԱԳ նախարար Արարատ Միրզոյանն աշխատանքային այցով կլինի Շվեդիայում: Այդ մասին հայտնում է ՀՀ ԱԳՆ մամուլի խոսնակ Անի Բադալյանը։   Կայանալու է ԱԳ նախարար Միրզոյանի հանդիպումը Շվեդիայի ԱԳ նախարար Մարիա Մալմեր Ստեներգարդի հետ:   Ծրագրված են նաև երկկողմ հանդիպումներ գործադիր և օրենսդիր շրջանակների այլ բարձրաստիճան պաշտոնյաների հետ:    «Հայաստանը շահագրգռված է Շվեդիայի հետ քաղաքական երկխոսության…

Գերմանիայի կանցլեր Օլաֆ Շոլցը Բաքվում կայանալիք COP29 կլիմայական համաժողովի նախօրեին հեռախոսազրույց է ունեցել Ադրբեջանի նախագահ Իլհամ Ալիևի հետ: Այս մասին տեղեկացրել է Գերմանիայի կառավարության պաշտոնական ներկայացուցիչ Քրիստիանե Հոֆմանը:   Շոլցը Աիլևի հետ քննարկել է Երևանի հետ խաղաղ բանակցությունների վիճակը և վերահաստատել է Գերմանիայի պատրաստակամությունը՝ նպաստել երկու երկրի միջև բարիդրացիական հարաբերությունների հաստատմանը, հայտնում է DW-ն:  …