ԱՄՆ բանակի Եվրոպայի և Աֆրիկայի հրամանատարությունն անդրադարձել է ՀՀ-ում նախատեսված հայ-ամերիկյան համատեղ զորավարժությանը: «Մոտ 85 ամերիկացի և 175 հայ զինվորներ սեպտեմբերի 11-20-ը Հայաստանում կմասնակցեն «Արծիվ գործընկեր» խաղաղապահ զորավարժություններին: Ամերիկյան 1-ին բրիգադի, 101-րդ օդադեսանտային դիվիզիայի և Կանզասի ազգային գվարդիայի զինծառայողներն ու Հայաստանի 12-րդ խաղաղապահ բրիգադի զինվորներն ուսումնավարժությունները կանցկացնեն Երևանի մերձակայքում գտնվող Զառ և Արմավիր ուսումնական տարածքներում»,- նշված…

ԼՂ սոցիալական զարգացման և միգրացիայի նախարարությունից տեղեկացնում են, որ հացի վաճառքի նպատակով կտրոնների տրամադրման վերջին օրը սեպտեմբերի 8-ն է:   «Կտրոնների տրամադրումն իրականացվում է ԱՀ սոցիալական զարգացման և միգրացիայի նախարարության՝ Ազատամարտիկների փ. 54 հասցեում գտնվող վարչական շենքում: Խնդրում ենք ներկայանալ՝ հաշվի առնելով տվյալ հասցեում էլեկտրաէներգիայի հովհարային անջատման գրաֆիկը»,- ասված է հաղորդագրության մեջ:  

ԱՄՆ պետքարտուղարության Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Քիմը հեռախոսազրույց է ունեցել նաև Ադրբեջանի արտգործնախարարի հետ և քննարկել Լեռնային Ղարաբաղի ճգնաժամի լուծման խնդիրը: «Կառուցողական զրույց եմ ունեցել Ադրբեջանի արտգործնախարար Ջեյհուն Բայրամովի հետ Լեռնային Ղարաբաղ մարդասիրական օգնությունը հասցնելու համար Լաչինի և այլ ուղիների անհապաղ ու միաժամանակ բացման ուղղությամբ առաջընթացի վերաբերյալ։ Երթուղիների բացումն ու ուղիղ…

Կանադայի խորհրդարանի պատգամավոր Ռեյչել Թոմասն իր անհանգստությունն է հայտնել  Լեռնային Ղարաբաղում հայերի հետապնդումների կապակցությամբ: «Ադրբեջանի կողմից Լաչինի միջանցքի շրջափակումը հանգեցրել է մարդու իրավունքների և միջազգային համաձայնագրերի խախտումների։ Կանադա-Արցախ խորհրդարանական բարեկամության խումբը հորդորում է արտգործնախարար Մելանի Ժոլիին և Լիբերալ կառավարությունը միջոցներ ձեռնարկել Լեռնային Ղարաբաղում հայերի հետապնդումները դադարեցնելու համար»,- X-ի (նախկին Twitter) իր միկրոբլոգում գրել է Ռեյչել…

ԵՄ-ն Խաղաղության եվրոպական հիմնադրամի միջոցով 62 միլիոն եվրո է հատկացրել Վրաստանին՝ նրա պաշտպանունակությունն ուժեղացնելու համար։ Այդ մասին հայտարարել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը։ «Վրաստանի պաշտպանության ուժերի համար ոչ մահաբեր տեխնիկայի առաջին խմբաքանակը Վրաստան է ժամանել ապրիլին, մատակարարումները շարունակվում են: Այս սարքավորումները կենսական նշանակություն կունենան ճգնաժամերին արագ արձագանքելու համար»,- ասել…

Այսօր՝ սեպտեմբերի 8-ին, ԼՂ առողջապահության նախարարության «Հանրապետական բժշկական կենտրոն» ՓԲԸ-ից 10 բուժառուներ ուղեկցողների հետ միասին, անհետաձգելի մասնագիտացված բժշկական օգնություն ստանալու համար, Կարմիր խաչի միջազգային կոմիտեի միջնորդությամբ և ուղեկցությամբ տեղափոխվել են ՀՀ մասնագիտացված բժշկական կենտրոններ։   «Նախատեսվում է օրվա ընթացքում ԿԽՄԿ մեքենաներով Արցախ վերադարձնել 3 բուժառուների՝ ուղեկցողների հետ միասին, որոնք ժամանակին պետական պատվերի շրջանակներում ուղեգրվել են…

Կիրակի՝ 2023 թվականի սեպտեմբերի 10-ին, Ռուսաստանում հայտարարված է միասնական քվեարկության օր, որի ընթացքում երկրի շատ շրջաններում կավարտվեն տարբեր մակարդակների եռօրյա ընտրությունները։ Ուղիղ քվեարկությամբ կընտրվի 21 մարզպետ, ևս հինգը՝ խորհրդարանների միջոցով։ Կանցկացվեն նաև 20 մարզային օրենսդիր ժողովների պատգամավորների ընտրություններ, ևս չորս շրջանում՝ Պետդումայի լրացուցիչ ընտրություններ միամանդատ ընտրատարածքներում։ Ընդհանուր առմամբ, ավելի քան չորս հազար քվեարկություն կանցկացվի 85…

ԱՄՆ պետքարտուղարության Եվրոպայի և Եվրասիայի հարցերով պետքարտուղարի տեղակալի պաշտոնակատար Յուրի Կիմը կոչ է արել բոլոր կողմերին միավորվել Լեռնային Ղարաբաղի ճգնաժամը լուծելու համար: «ՀՀ արտաքին գործերի նախարար Արարատ Միրզոյանի հետ զրույցի ժամանակ մեր լուրջ մտահոգությունն եմ հայտնել Լեռնային Ղարաբաղի հումանիտար իրավիճակի վերաբերյալ: Այսօր բոլոր կողմերը պետք է միասին աշխատեն, որպեսզի անհապաղ և միաժամանակ բացվեն Լաչինը և…

Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները սեպտեմբերի 8֊ին` ժամը 00:25֊ի սահմաններում, ամրաշինական աշխատանքներ են կատարել Ասկերանի շրջանում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ ԼՂ ՊՆ-ից հայտնում են, որ Ադրբեջանի ՊՆ-ն կեղծ հաղորդագրությունների տարածմամբ շարունակում է իրականացնել հերթական սադրանքի տեղեկատվական նախապատրաստություն։ 

Ռուսական խաղաղապահ զորախումբը Շուշիի շրջանում հրադադարի ռեժիմի երկու խախտում է արձանագրել, տուժածներ չկան։ Այդ մասին նշված է Ռուսաստանի պաշտպանության նախարարության պաշտոնական տեղեկագրում: «Ռուսական խաղաղապահ զորակազմի հրամանատարությունն ադրբեջանական և հայկական կողմերի հետ համատեղ փաստի վերաբերյալ քննություն է անցկացնում»,- ասված է հաղորդագրության մեջ։

Եվրամիությանն Ուկրաինայի անդամակցության շուրջ բանակցությունները պետք է սկսվեն որքան հնարավոր է շուտ: Այս մասին հայտարարել է Լիտվայի արտաքին գործերի նախարար Գաբրիելյուս Լանդսբերգիսը, որը Լատվիայում մասնակցել է Բալթյան երկրների և հյուսիսային երկրների ԱԳ նախարարների հանդիպմանը։   «Հուսով ենք, որ ԵՄ-ին Ուկրաինայի անդամակցության շուրջ բանակցությունները կսկսվեն ընթացիկ տարվա վերջին»,- ասել է նախարարը»։   Լանդսբերգիսի կարծիքով՝ ԵՄ-ին Ուկրաինայի…

Ադրբեջանում 20-ամյա աղջկան մեղադրել են Հայաստանի օգտին լրտեսության և ՀՀ հատուկ ծառայության աշխատակցի միջոցով Ադրբեջանի մասին տեղեկություններ փոխանցելու համար: Ֆիդան Ալիևային մեղադրանք է առաջադրվել հայրենիքի դավաճանության հոդվածով։ Նրան սպառնում է մինչև 20 տարի կամ ցմահ ազատազրկում։ Ալիևան եղել է 2022 թվականի դեկտեմբերի 12-ին Լաչինի միջանցքը արգելափակած «էկոակտիվիստների» շարքում։ Նշվում է, որ նա տեղեկություններ, տեսանյութեր և…

Վրաստանը պետք է ավարտին հասցնի դատական բարեփոխումների և Կենտրոնական ընտրական հանձնաժողովի անդամների ընտրության հարցը՝ Եվրամիությանն անդամակցելու թեկնածուի կարգավիճակ ստանալու պայմանների լիարժեք կատարման համար։ Այս մասին հայտարարել է երկրի խորհրդարանի փոխխոսնակ Գիա Վոլսկին։ «Թեման բավական կարևոր է։ Մենք վստահորեն կատարում ենք առաջարկությունները: Մնում է ավարտին հասցնել ԿԸՀ-ի հարցը։ Այն առանձնահատուկ կարևոր է։ Մենք սպասում ենք նաև…

Հայաստանում Եվրամիության դիտորդական առաքելությունն ուժեղացրել է իր պարեկային գործունեությունը Գեղարքունիքի և Սյունիքի մարզերի՝ Հայաստանի և Ադրբեջանի սահմանամերձ տարածքներում՝ դիտարկելու ցանկացած ռազմական զարգացում։ Այդ մասին նշված է առաքելության X-ի (նախկին Twitter) պաշտոնական միկրոբլոգում։ «Տեղում մեր ներկայության միջոցով մենք նպատակ ունենք նպաստելու լարվածության թուլացմանը և իրավիճակի մասին ԵՄ-ին անաչառ զեկուցմանը»,- նշված է գրառման մեջ:

Սեպտեմբերի 7-ին՝ ժամը 17:45֊ի սահմաններում, ադրբեջանական կողմը վերադարձրել է օգոստոսի 28֊ին ռուսական խաղաղապահ զորակազմի ուղեկցությամբ ԼՂ-ից Հայաստան տեղափոխվելու ժամանակ առևանգված և ապօրինի ազատազրկված ուսանողներ Ալեն Սարգսյանին, Վահե Հովսեփյանին և Լևոն Գրիգորյանին։   Ինչպես տեղեկացնում է ԼՂ ՄԻՊ Գեղամ Ստեփանյանը՝ տղաների փոխանցումը հայկական կողմին տեղի է ունեցել ռուս խաղաղապահների մասնակցությամբ Հակարիի կամրջի մոտ։ Նրանք տեղափոխվել են…

Հայաստանի փոխարտգործնախարար Պարույր Հովհաննիսյանը հայտարարել է, որ հայ-ռուսական հարաբերությունները չպետք է գնահատել որպես լարված՝ հայտնում է РИА Новости-ն։ «Ռուսաստանի հետ հարաբերություններն աշխատանքային են, ինչպես միշտ լինում է բոլոր գործընկերների հետ։ Կան տարաձայնություններ, քննարկումներ են ընթանում, ինչը չի նշանակում, որ դա կարելի է մեկնաբանել որպես լարվածություն։ Ռուսական կողմի հետ բոլոր հարցերով աշխատանքներ են տարվում»,- ասել է…

ԱՄՆ Կոնգրեսի` Թոմ Լանտոսի անվան Մարդու իրավունքների հանձնաժողովում ԼՂ հարցով հրավիրված լսումների ժամանակ Միջազգային քրեական դատարանի նախկին գլխավոր դատախազ Լուիս Մորենո Օկամպոն նշել է, որ քանի դեռ Հայաստանը և Ադրբեջանը չեն վավերացրել Հռոմի ստատուտը, Ադրբեջանի նախագահ Իլհամ Ալիևի հանդեպ միջազգային քրեական վարույթ հնարավոր չէ հարուցել: Նրա խոսքով՝ բոլոր փաստերն ու իրողությունները վկայում են մեկ բանի…

ԼՂ պետնախարար Սամվել Շահրամանյանը օրերս խորհրդարանում հանդիպումներ է ունեցել խմբակցությունների անդամների և անկախ պատգամավոր Կարեն Հովհաննիսյանի հետ: Քննարկվել են ԼՂ-ում օր օրի խորացող ճգնաժամային իրավիճակը և դրանից բխող խնդիրները որոշակի չափով մեղմելու ուղղությունները: Հանդիպումներին անդրադարձ է եղել ԼՂ ներքաղաքական կացությանը, առաջիկայում սպասվող՝ հանրապետության նախագահի ընտրությանը:

Վրաստանում աշխատանքային այցով գտնվող ՀՀ քննչական կոմիտեի նախագահ Արգիշտի Քյարամյանը հանդիպում է ունեցել Վրաստանի ներքին գործերի նախարար, Վրաստանի ազգային անվտանգության խորհրդի քարտուղար Վախթանգ Գոմելաուրիի հետ։   Ինչպես հայտնում են ՀՀ ՔԿ-ից, կողմերը կարևորել են Հայաստանի և Վրաստանի միջև իրավապահ ոլորտում ձևավորված արդյունավետ և փոխշահավետ համագործակցությունը և ընդգծել միջգերատեսչական ամուր կապերի նշանակությունը միջպետական հարաբերությունների կայուն զարգացման,…

Ադրբեջանի ՊՆ տարածած հաղորդագրությունն այն մասին, թե, իբր, ՊԲ ստորաբաժանումները սեպտեմբերի 7-ին՝ ժամը 12:35-ից ժամը 14։00-ն ընկած ժամանակահատվածում ամրաշինական աշխատանքներ են կատարել Ասկերանի և Մարտունու շրջաններում, որոնք իբր թե կասեցվել են ադրբեջանական ստորաբաժանումների գործողությունների արդյունքում, հերթական ապատեղեկատվությունն է։ Այդ մասին հայտնում են ԼՂ ՊԲ-ից:   «Վերջին շրջանում Ադրբեջանի ՊՆ-ն զգալիորեն ավելացրել է ստահոդ հաղորդագրությունների հրապարակման…

Ադրբեջանի ՊՆ-ն հերթական ապատեղեկատվությունն է տարածել՝ հայտարարելով, թե, իբր, ՊԲ ստորաբաժանումները սեպտեմբերի 7-ին՝ ժամը 10:05-ի սահմաններում, փորձել են Ասկերանի շրջանում իրականացնել ամրաշինական աշխատանքներ, և որոնք, իբր, խափանվել են ադրբեջանական կողմի գործողությունների արդյունքում։ Այդ մասին հայտնում են ԼՂ ՊԲ-ից:

Ուկրաինայի առաջին տիկին Օլենա Զելենսկայան X-ի (նախկին Twitter) իր միկրոբլոգում շնորհակալություն է հայտնել երեկ Կիևում տեղի ունեցած առաջին տիկնանց և ջենթլմենների ֆորումի պանելային քննարկման մասնակիցներին, այդ թվում՝ Հայաստանի վարչապետի տիկնոջը՝ Աննա Հակոբյանին: ՀՀ վարչապետի տիկինը Ուկրաինայի առաջին տիկին Օլենա Զելենսկայի հրավերով սեպտեմբերի 6-ին Կիևում մասնակցել է «Առաջին տիկնանց և ամուսինների ամենամյա երրորդ գագաթնաժողովին»։

Սեպտեմբերի 7-ին՝ ժամը 12:10-ի սահմաններում, ադրբեջանական ԶՈՒ ստորաբաժանումները կրակ են բացել Սարուշեն համայնքի դաշտերում աշխատող կոմբայնի ուղղությամբ: Հայկական կողմից կորուստեր չկան: Խախտման վերաբերյալ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը։ Այդ մասին հայտնում են ԼՂ ՊՆ մամուլի ծառայությունից:

ԱՄՆ Կոնգրեսի Ներկայացուցիչների պալատի անդամ Ֆրենկ Փալոնը X-ի (նախկին Twitter) իր միկրոբլոգում անդրադարձել է ԱՄՆ պետքարտուղար Էնթոնի Բլինքենի և Ադրբեջանի նախագահ Իլհամ Ալիևի հեռախոսազրույցին։ «Պետքարտուղար Բլինքենն իրավացիորեն կոչ է անում դադարեցնել Լաչինի միջանցքի շրջափակումը, սակայն այս խոսքերին պետք է հետևեն իմաստալից գործողություններ, հատկապես այն պարագայում, երբ Արցախում հումանիտար ճգնաժամը շարունակում է վատթարանալ»,- նշել է կոնգրեսականը:…

Մոսկվան հիմք է ընդունում այն, որ Հավաքական անվտանգության պայմանագրի կազմակերպության անդամները պետք է հետևեն իրենց դաշնակիցների հետ զորավարժությունների պրակտիկային։ Այդ մասին հայտարարել է ՌԴ փոխարտգործնախարար Սերգեյ Ռյաբկովը՝ մեկնաբանելով հայ-ամերիկյան համատեղ զորավարժությունները, որոնք կանցկացվեն Հայաստանի տարածքում սեպտեմբերի 11-ից։ «Իհարկե, մենք ուշադրություն ենք դարձրել դրան։ Եվ մեր հայ դաշնակիցների, Հայաստանի դաշնակիցների ուշադրությունը հրավիրել ենք նրա վրա, որ…

Կանաչների եվրոպական կուսակցությունը X-ի (նախկին Twitter) պաշտոնական միկրոբլոգում անդրադարձել է Լեռնային Ղարաբաղի շրջափակմանը։ «Կրիտիկական իրավիճակ Լաչինի միջանցքում. ադրբեջանական ուժերն արգելափակում են մարդասիրական օգնության մուտքը Լեռնային Ղարաբաղ։ Դա մարդու իրավունքների խախտում է»,- ասված է գրառման մեջ։ Ընդգծվում է նաև, որ Գերմանիայի ԱԳ նախարար Աննալենա Բերբոքի կոչը Ադրբեջանին և Ռուսաստանին եղել է այն, որ Լաչինի միջանցքը պետք…

Վաշինգտոնը կշարունակի ռազմական և տնտեսական աջակցությունն Ուկրաինային: Այսօր Կիևում հայտարարել է ԱՄՆ պետքարտուղարը: Բլինքենը նշել է՝ Ուկրաինայում է, որպեսզի ցույց տա ԱՄՆ անսասան աջակցությունը: Թեմայի շարունակությունը և միջազգային անցուդարձի ուշագրավ այլ նորություններ՝ Մերի Ներսիսյանի տեսաշարում:

Սեպտեմբերի 7-ին Ստեփանակերտ քաղաքում հացի վաճառքը կիրականացվի համար 3 կտրոնով: ԼՂ սոցիալական զարգացման և միգրացիայի նախարարությունից հայտնում են, որ այն քաղաքացիները, ովքեր չեն կարողացել օգտվել սեպտեմբերի 5-ի և 6-ի համար նախատեսված համար 1 և 2 կտրոններից, կարող են այդ կտրոններով հացը գնել նույնպես սեպտեմբերի 7-ին: «Հայտնում ենք, որ անհրաժեշտ քանակությամբ ալյուրն ամբողջությամբ մատակարարված է հացի արտադրամասեր»,-…

ԱՄՆ Կոնգրեսի` Թոմ Լանտոսի անվան Մարդու իրավունքների հանձնաժողովում լսումներ են Օրակարգում ադրբեջանական շրջափակման հետևանքով ԼՂ-ում ստեղծված իրավիճակն է: Լսումներին մասնակցում է Միջազգային քրեական դատարանի նախկին դատախազ Լուիս Մորենո Օկամպոն։

ԼՂ նախկին նախագահ Արայիկ Հարությունյանը հարցազրույց է տվել CNN-ին: Հարցազրույցին նա անդրադարձել է իր ֆեյսբուքյան էջում:  «Վերջին շրջանում միջազգային առաջատար գրեթե բոլոր լրատվամիջոցներն անդրադարձել են Արցախի շրջափակմանը: Այդ շարքում կարևոր տեղ ունի CNN-ի այսօրվա հրապարակումը, որի հեղինակի հարցերին պատասխանել եմ Հանրապետության նախագահի պաշտոնից իմ հրաժարականից առաջ: Պատասխաններիս մի մասը տեղ է գտել նյութի մեջ, որը…