Շվեյցարիայի կառավարությունը հայտարարել է, որ Շվեյցարիայի արտաքին գործերի նախարարը և ԵԱՀԿ գործող նախագահ Իգնացիո Կասիսը կայցելի Հայաստան և Վրաստան։
Նրանց խոսքերով՝ այցի շրջանակներում նախատեսված հանդիպումների ընթացքում քննարկման հիմնական թեմաները կլինեն Հարավային Կովկասում ստեղծված իրավիճակը, ԵԱՀԿ-ի դերը և երկկողմ հարաբերությունները։
Շվեյցարիայի կառավարության կողմից տարածված մամուլի հաղորդագրության մեջ նշվում է, որ Իգնացիո Կասիսը հոկտեմբերի 15-ին կայցելի Երևան, իսկ հոկտեմբերի 16-ին՝ Թբիլիսի։
«Հոկտեմբերի 16-ին պարոն Կասիսը կհանդիպի վարչապետ Իրակլի Կոբախիձեի և արտաքին գործերի նախարար Մակա Բոչորիշվիլիի հետ՝ քննարկելու 2008 թվականի Վրաստանում տեղի ունեցած հակամարտության հետևանքները։ Այս համատեքստում Շվեյցարիան նաև կատարում է իր պրոտեկտորատի մանդատը։ ԵԱՀԿ-ն, ՄԱԿ-ի և ԵՄ-ի հետ համատեղ, համանախագահում է Ժնևի միջազգային քննարկումները, որոնք նպատակ ունեն խթանել երկխոսությունը տարածաշրջանում անվտանգության և մարդասիրական հարցերի շուրջ», — ասվում է հայտարարության մեջ։
Շվեյցարիայի կառավարությունը բացատրել է, որ այս երկու այցելությունները Իգնասիո Կասիսի տարածաշրջանային այցի ծրագրի երկրորդ մասն են. ծրագրի առաջին մասն իրականացվել է Ադրբեջանում և Թուրքմենստանում օգոստոսի 3-5-ը։