Չինաստանն անընդունելի է համարում պաղեստինյան խնդրի լուծումը ուժային ճանապարհով: Այդ մասին հայտարարել է Չինաստանի արտաքին գործերի նախարար Վան Ին ԱՄՆ պետքարտուղար Էնթոնի Բլինքենի հետ հեռախոսազրույցում։ Չինացի դիվանագետի խոսքով՝ անհրաժեշտ է անհապաղ հասնել լարվածության թուլացման, թույլ չտալ լրացուցիչ զոհեր, պահպանել միջազգային իրավունքի նորմերը, ուղիներ ստեղծել տեղի բնակչությանը մարդասիրական օգնություն ցուցաբերելու համար: Նա ընդգծել է, որ Պեկինն…

ՀՀ ԱԳՆ խոսնակ Անի Բադալյանը X-ի (նախկին Twitter) իր միկրոբլոգում անդրադարձել է Եվրոպայի խորհրդի խորհրդարանական վեհաժողովի ընդունած բանաձևին: «Լեռնային Ղարաբաղի վերաբերյալ ԵԽԽՎ բանաձևն ու հանձնարարականն անդրադառնում են Լեռնային Ղարաբաղից հայերի բռնի տեղահանումից բխող մարդասիրական ծանր հետևանքներին և մարդու իրավունքներին: Դրանք ընդգծում են Ադրբեջանի կողմից իր կանոնադրական և անդամակցության պարտավորությունների լուրջ խախտումներին արձագանքելու մեխանիզմները»,- նշել է…

Իսրայելական կողմը զանգվածային հարվածներ է հասցրել Գազայի հատվածում ՀԱՄԱՍ-ի թիրախներին, ոչնչացրել տասնյակ զինյալների՝ հայտնել է Իսրայելի բանակը։ Fox News-ի տվյալով էլ՝ իսրայելական ուժերը մտել են Գազայի հատված՝ տեղային գործողություններ իրականացնելու համար։ Լարված է իրավիճակը Իսրայելի և Լիբանանի սահմանին: Կողմերը հաղորդում են փոխադարձ հարվածների մասին: Նշվում է, որ իսրայելի բանակը հարվածներ է հասցրել «Հեզբոլլահ» շարժման դիրքերին…

Կառավարության հումանիտար կենտրոնի աշխատանքները համակարգող փոխվարչապետ Տիգրան Խաչատրյանն անդրադարձավ նաև այլ երկրների կառավարություններից ստացվող  օգնությանը՝ աջակցության ընդհանուր գումարը կկազմի մոտ 35 մլն եվրո: Եվս 35 մլն եվրո կհատկացվի այլ եղանակով. 15 մլն եվրոն՝ բյուջետային աջակցության եղանակով կփոխանցվի ՀՀ կառավարության գանձապետական հաշվին, մնացած գումարը զարգացման գործակալությունները կտրամադրեն իրենց ներկայացուցչությունների միջոցով: Հումանիտար օգնություն է գալիս նաև տարբեր…

ԱՄՆ պետքարտուղարը շարունակում է այցերը Մերձավոր Արևելքի երկրներ: Սաուդյան Արաբիայում Էնթոնի Բլինքենը հանդիպել է այդ երկրի արտգործնախարար, արքայազն Ֆեյսալ բեն Ֆարհանի հետ: Քննարկման առանցքային թեման եղել է տարածաշրջանում լարված իրավիճակը: Սաուդցի դիվանագետը քննադատել է Իսրայելում և Գազայի հատվածում ռազմական գործողությունների ընթացքում քաղաքացիական բնակչության թիրախավորումը: Նրա խոսքով՝ լարվածության թուլացումն առաջնային խնդիր է: Բլինքենը «աննկարագրելի» է որակել…

Եգիպտոսում տեղի է ունեցել Գերմանիայի և Թուրքիայի արտգործնախարարների հանդիպումը: Հաքան Ֆիդանը և Աննալենա Բարբոքը քննարկել են Գազայի հատվածում և Իսրայելում զարգացումները, ՀԱՄԱՍ-ի գերեվարած գերմանացիների վերադարձի, տուժածներին հումանիտար աջակցության և տարհանման հեռանկարը: Թուրքական կողմի տվյալով՝ դիվանագետները քննարկել են նաև իրավիճակն Ուկրաինայում և Լեռնային Ղարաբաղում։ Ակնկալվում է, որ Ֆիդանին կընդունեն Եգիպտոսի նախագահը և արտգործնախարարը: Հանդիպումների ընթացքում կքննարկվի…

Հումանիտար կենտրոնում վարչապետի մամուլի քարտուղար Նազելի Բաղդասարյանը ամփոփել է անցած շաբաթ ԼՂ-ից բռնի տեղահանվածների սոցիալական հարցերի լուծմանն ուղղված Կառավարության աշխատանքը: Ըստ Բաղդասարյանի՝ Կառավարության նախորդ նիստում ընդունված կարևոր որոշումներից է վարձակալության գումարի չափի հաստատումը. այն տրվում է 6 ամսով՝ հոկտեմբերից մինչև մարտ ներառյալ: Յուրաքանչյուր անձին կտրվի 40 հազար դրամ, ևս 10 հազար դրամ՝ որպես կոմունալ վճար:…

ԱՄՆ պետքարտուղար Էնթոնի Բլինքենը Կատարի վարչապետի հետ մամուլի ասուլիսում դատապարտել է ՀԱՄԱՍ խմբավորման գործողությունները: Բլինքենն ուղիղ չի պատասխանել լրագրողների հարցին՝ արդյոք Վաշինգտոնը պահանջո՞ւմ է Կատարից՝ փակել ՀԱՄԱՍ-ի քաղաքական գրասենյակը Դոհայում, սակայն հայտարարել է, որ յուրաքանչյուր երկիր «պետք է դատապարտի» ՀԱՄԱՍ-ին իսրայելական քաղաքների դեմ բռնության համար։ Կատարի վարչապետն իր հերթին նշել է, որ չեն փակի ՀԱՄԱՍ-ի…

«Բաքվում սկսվել է Արցախի քաղաքացի 68-ամյա Վագիֆ Խաչատրյանի նկատմամբ անօրինական դատավարությունը»,- նշված է Լեռնային Ղարաբաղի օմբուդսմենի X-ի (նախկին Twitter) պաշտոնական միկրոբլոգում: «Վագիֆն առևանգվել էր Ադրբեջանի կողմից Հակարիի կամրջի մոտ գտնվող ապօրինի անցակետում 2023 թվականի հուլիսի 29-ին, երբ ԿԽՄԿ-ն նրան տեղափոխում էր Հայաստան՝ սրտի հրատապ վիրահատության համար։ Կոպտորեն խախտելով միջազգային իրավունքը՝ Ադրբեջանը շինծու քրեական գործի հիման վրա…

Արցախի ժողովուրդը բախվել է Ալիևի բռնապետական ռեժիմի կողմից իրականացված ցեղասպանությանը, բնակչության ավելի քան 99,96 տոկոսը բռնի տեղահանվել է։ Այդ մասին X-ի (նախկին Twitter) իր միկրոբլոգում գրել է Լեռնային Ղարաբաղի նախկին պետնախարար Արտակ Բեգլարյանը: «Ներկայումս ադրբեջանական օկուպացիայի տակ են մնում Արցախի առավելագույնը 40 քաղաքացիներ, որոնց մի մասը էթնիկ հայեր չեն, այլ ռուսական ծագում ունեն»,- նշել է…

Իսրայելում կրթությունը շարունակող հայ ուսանողները այդ երկրում մեր դեսպանության աջակցությամբ վերադառնում են Հայաստան: Դասերին առայժմ առցանց են մասնակցում, հույս ունեն պատերազմի ավարտին տեղում շարունակել կրթությունը: Թել Ավիվում Հայաստանի դեսպանությունը սերտ կապի մեջ է տեղի հայ համայնքի հետ, նաև գրանցում են հայենիք վերադառնալ ցանկացողներին: Հրթիռակոծությունների հետևանքով տուժած հայեր չկան:  Հեղինակ՝ Լիանա Խաչատուրյան

ՄԱԿ-ի հումանիտար հարցերի համակարգման գրասենյակը նախազգուշացրել է Գազայի հատվածում հումանիտար ճգնաժամի սպառնալիքի մասին: Գրասենյակի տվյալով՝ բնակչության մեծ մասը զրկված է խմելու ջրի հասանելիությունից, քանի որ Իսրայելը դադարեցրել է ջրամատակարարումը։ Գազայի հատվածի մի շարք հիվանդանոցներ ծանրաբեռնված են և ի վիճակի չեն նոր բուժառուների ընդունել: ՄԱԿ-ի գլխավոր քարտուղարի ներկայացուցիչ Ստեֆան Դյուժարիկն էլ հայտնել է, որ Իսրայելի իշխանությունները…

Իսրայելական կողմը զանգվածային հարվածներ է հասցրել Գազայի հատվածում ՀԱՄԱՍ-ի թիրախներին, ոչնչացրել տասնյակ զինյալների՝ հայտնել է Իսրայելի բանակը։ Fox News-ի տվյալով էլ՝ իսրայելական ուժերը մտել են Գազայի հատված՝ տեղական նշանակության գործողություններ իրականացնելու համար։ Լարված է իրավիճակը նաև Իսրայելի և Լիբանանի սահմանին: Կողմերը հաղորդում են փոխադարձ հարվածների մասին: Նշվում է, որ Իսրայելի բանակը հարվածներ է հասցրել «Հեզբոլլահ»…

ՀՀ ԱԽ քարտուղար Արմեն Գրիգորյանն ընդունել է Եվրախորհրդարանի անդամ, Եվրանեսթ խորհրդարանական վեհաժողովի պատվիրակության անդամ Վիոլա ֆոն Կրամոն-Տրաուբադելին:   ԱԽ քարտուղարը ողջունել է Վիոլա ֆոն Կրամոն-Տրաուբադելի գլխավորած պատվիրակության այցը Հայաստան և կարևորել նման փոխայցելություններն ինչպես ՀՀ-ԵՄ, այնպես էլ ՀՀ-ԵՄ առանձին անդամ պետությունների հարաբերությունների զարգացման և առավել խորացման համատեքստում:   Զրուցակիցները քննարկել են տարածաշրջանային անվտանգային իրավիճակին առնչվող…

ԼՂ-ից բռնի տեղահանված տարեցների խնամքը ՀՀ աշխատանքի և սոցիալական հարցերի նախարարությունն իրականացնում է գործընկեր հասարակական կազմակերպությունների հետ: Մանրամասները՝ տեսանյութում:

Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարն իր X-ի էջում գրել է. «Վերադարձել եմ Բաքվից և Երևանից, որտեղ քննարկել եմ համապարփակ կարգավորմանն ուղղված հաջորդ քայլերը։ Կարևոր է, որ Հայաստանը և Ադրբեջանը հավատարիմ մնան դրական և համաձայնեցված օրակարգին։ Ակնկալում ենք, որ այս փոխգործակցությունը կհաստատվի ամսվա վերջին Բրյուսելում կայանալիք բարձր մակարդակի հանդիպման ժամանակ»։

Վլադիմիր Պուտինը հայտարարել է, որ պատրաստ է գալ Հայաստան կամ Ռուսաստանում ընդունել Հայաստանի վարչապետ Նիկոլ Փաշինյանին, երբ հնարավորություն լինի: «Գրաֆիկը կա, մեր բոլոր ծառայություններն աշխատում են, կապի մեջ են՝ և՛ Արտաքին գործերի նախարարությունը, և՛ Կառավարության տնտեսական բլոկը: Մեզ մոտ աշխատանքները չեն դադարել»,- նշել է ՌԴ նախագահը: Տարածաշրջանային անցուդարձի ուշագրավ նորությունները` Մերի Ներսիսյանի ռեպորտաժում:

ՌԴ ԱԳՆ-ն Դամասկոսի և Հալեպի օդանավակայաններին իսրայելական օդուժի հարվածներն անվանել է Սիրիայի ինքնիշխանության կոպիտ խախտում՝ զգուշացնելով, որ նման գործողությունները կարող են հանգեցնել տարածաշրջանում զինված էսկալացիայի։ Հինգշաբթի Իսրայելը ավիահարվածներ էր հասցրել Դամասկոսի և Հալեպի միջազգային օդանավակայաններին, որոնք ստիպված են եղել դադարեցնել իրենց գործունեությունը։ «Իսրայելական կողմի այս գործողությունները հանդիսանում են Սիրիայի Արաբական Հանրապետության ինքնիշխանության և միջազգային իրավունքի…

Եվրոպայի խորհրդի խորհրդարանական վեհաժողովն ընդունել է «Հումանիտար իրավիճակը Լեռնային Ղարաբաղում» բանաձևը և համանուն խորհրդատվությունը: Բանաձևը դատապարտում է 2023 թվականի սեպտեմբերի 19-ին Լեռնային Ղարաբաղի դեմ Ադրբեջանի ռազմական գործողությունները, արձանագրում, որ Լեռնային Ղարաբաղում առկա են էթնիկ զտումների իրականացման հիմնավոր կասկածներ։

Ընթացքի մեջ են վերանորոգողական աշխատանքները, ըստ որի առաջիկայում դպրոցը կունենա ավելի բարեկարգ տեսք։ «Ախալքալաքի գեղարվեստի դպրոցի շենքը կարևոր վայր է Ախալքալաքցի երիտասարդների ոչ ֆորմալ կրթության համար։ Դպրոցի վերանորոգումը և ժամանակակից ենթակառուցվածքների բարելավումը զգալիորեն կբարելավի ուսումնական միջավայրը»,- նշվում է Ախալքալաքի քաղաքապետարանի տարածած հայտարարության մեջ։ Ծրագրի արժեքը կազմում է մոտ 60000 լարի և ամբողջությամբ ֆինանսավորվում է տեղական…

Բիշքեկում ԱՊՀ երկրների ղեկավարների խորհրդի նիստին հաջորդած ասուլիսի ընթացքում ՌԴ նախագահը հայտարարել է. «Ես և վարչապետ Փաշինյանը հեռախոսազրույց ենք ունեցել և, ի թիվս այլ հարցերի, խոսել ենք այսօրվա գագաթնաժողովի մասին: Մենք բոլորս չափահաս մարդիկ ենք, հասկանում ենք, որ Հայաստանում տեղի է ունենում Ղարաբաղի հայերի ողբերգություն, և հիմա ուղևորությունների ժամանակը չէ»: Այսպես է Պուտինը մեկնաբանել Փաշինյանի…

Բիշքեկի գագաթնաժողովի ժամանակ Ռուսաստանի նախագահն անդրադարձել է Լեռնային  Ղարաբաղի խնդրին և մեկ անգամ ևս հայտարարել է. «Ղարաբաղի տարածքը վերջնականապես Ադրբեջանի մաս դարձավ այն ​​բանից հետո, երբ անցած տարի Պրահայում կայացած հանդիպման ժամանակ վարչապետ Փաշինյանն այն ճանաչեց որպես Ադրբեջանի տարածք՝ դրանով արմատապես փոխելով Ղարաբաղի կարգավիճակը»։ «ԼՂ-ում ռուս խաղաղապահների մանդատը բաղկացած էր միայն մեկ բանից՝ հրադադարի ռեժիմի…

Հայաստանի ԱԳՆ խոսնակ Անի Բադալյանը X-ի իր միկրոբլոգում դատապարտել է Վագիֆ Խաչատրյանի դատավարությունը Բաքվում: «Բաքվում հայ խաղաղ քաղաքացիական անձ, Լեռնային Ղարաբաղի 68-ամյա բնակչի նկատմամբ ընթանում է շինծու «դատավարություն»՝ ցանկացած նորմերի լիակատար անտեսումով: ԼՂ-ում էթնիկ զտումներից շաբաթներ առաջ Վագիֆ Խաչատրյանն առևանգվել է ապօրինի անցակետում, երբ սրտի վիրահատության համար ԿԽՄԿ պաշտպանության ներքո  նրան տեղափոխում էին Հայաստան: Կատարելով…

Վրաստանի նախագահ Սալոմե Զուրաբիշվիլու իմպիչմենթը, որը մեղադրվում է իր երկրի Սահմանադրությունը խախտելու համար՝ առանց կառավարության թույլտվության այցելելով Եվրամիության երկրներ, գործնականում անհնար է, քանի որ իշխող կուսակցությունը դժվար թե կարողանա ապահովել անհրաժեշտ նվազագույն 100 ձայնը: Այդ մասին վրացական «Իմեդի» հեռուստաալիքի հետ հարցազրույցում հայտարարել է «Վրացական երազանք-Ժողովրդավարական Վրաստան» կուսակցության ղեկավար Իրակլի Կոբախիձեն։ Իմփիչմենթը տեղի կունենա, եթե 150…

Հոկտեմբերի 13-ին ՌԴ ԱԳ փոխնախարար Գալուզինը հանդիպել է ՌԴ-ում Իրանի Իսլամական Հանրապետության դեսպան Ջալալիի հետ, հայտնել է ՌԴ ԱԳՆ մամուլի ծառայությունը։ Քննարկվել են միջազգային և տարածաշրջանային մի շարք արդիական թեմաներ։ Հարավային Կովկասում ստեղծված իրավիճակի դիտարկման համատեքստում կարևորվել է «3+3» տարածաշրջանային խորհրդատվական հարթակի ռիթմիկ աշխատանքի վերսկսումը:

Հայաստանի հատուկ հանձնարարություններով դեսպան Էդմոն Մարուքյանը X-ի իր միկրոբլոգում անդրադարձել է Վագիֆ Խաչատրյանի դատավարությանը: «Ադրբեջանում այսօր մեկնարկել է Լեռնային Ղարաբաղում առևանգված Վագիֆ Խաչատրյանի դատավարությունը։ Նա, իհարկե, հանցագործության հետ ոչ մի կապ չունի, նա ընդամենը պատժվում է Լեռնային Ղարաբաղում ծնվելու և իր պապենական հողի վրա ապրելու համար։ Ուզում եմ սա շատ պարզ ասել՝ Ադրբեջանում, որտեղ իշխանությունը…

Բիշքեկում անցկացվող ԱՊՀ անդամ պետությունների ղեկավարների խորհրդի հերթական նիստի շրջանակում Ղրղզստանի և Տաջիկստանի նախագահներ Սադիր Ժապարովն ու Էմոմալի Ռահմոնը քննարկել են երկու հանրապետության սահմանների սահմանազատման և սահմանագծման հարցերը: Այդ մասին հայտնում է Ղրղզստանի պետության ղեկավարի մամուլի ծառայությունը։ Ղրղզստանի և Տաջիկստանի պետական ​​սահմանի երկարությունը մոտ 980 կմ է։ Դրա սահմանազատման բանակցությունները շարունակվում են 2002 թվականի դեկտեմբերից:…

Իսրայելի պաշտպանության բանակը կոչ է արել Գազայի հատվածի քաղաքացիներին լքել իրենց բնակավայրերը կամ տեղափոխվել հատվածի հարավային մասը, հանուն իրենց ընտանիքների անվտանգության։ Այդ մասին հայտնում է Reuters-ը։ Նշվում է, որ Իսրայելի պաշտպանության բանակը ցամաքային գործողություն է նախապատրաստում և արդեն տանկային ստորաբաժանումներ է կենտրոնացրել Գազայի հետ սահմանին, որտեղ ներկայումս բնակվում է ավելի քան մեկ միլիոն պաղեստինցի խաղաղ…

Իրանի արտգործնախարար Հոսեյն Ամիր Աբդոլլահիանը Բաղդադում Իրաքի վարչապետ Մոհամմադ Շիա ալ Սուդանիի հետ հանդիպման ժամանակ ընդգծել է, որ Իսրայելի կողմից Գազայի պաշարման պայմաններում ԱՄՆ-ն շարունակում է զենք մատակարարել Իսրայելին՝ դրանով նպաստելով պաղեստինցիների կոտորածին: «Նման իրավիճակում մենք կարող ենք տարածաշրջանում նոր իրադարձությունների ականատես լինել: Որոշ երկրների պաշտոնյաներ մեզ հետ հեռախոսազրույցներում հարցնում են տարածաշրջանում նոր ճակատի բացման…

Հայաստանում առաջին անգամ տեղի է ունեցել խնամատարության ինստիտուտի զարգացման վերաբերյալ տարածաշրջանային համաժողով՝ երեխաների իրավունքների պաշտպանության ոլորտում ներգրավված միջազգային և տեղական մասնագետների մասնակցությամբ։ Այս մասին հայտնում են աշխատանքի և սոցիալական հարցերի նախարարությունից: Regional Family Placement խորագրով եռօրյա միջոցառման աշխատանքներին մասնակցել են ներկայացուցիչներ՝ Լեհաստանից, Արաբական Միացյալ Էմիրություններից, Չինաստանից, Լիբանանից, Միացյալ Թագավորությունից, Կամբոջայից, Վիետնամից, Վրաստանից։ Խնամատարության ինստիտուտի զարգացման…