Ուկրաինական հացահատիկով առաջին նավն Օդեսայից ժամանել է Ստամբուլ, չնայած Ռուսաստանի կողմից ծովային շրջափակմանը:  Թուրքական Resilient Africa բեռնափոխադրող նավը՝ Պալաուի դրոշի ներքո, երեքշաբթի լքել էր Չեռնոմորսկի նավահանգիստը ցորենի փորձնական փոքր խմբաքանակով՝ 3 հազար տոննա։ Հինգշաբթի նավը մոտեցել էր Բոսֆորին։ Հաջորդը պետք է ճանապարհ ընկնի երկրորդ նավը՝ «Արոյաթը», ավելի մեծ բեռնափոխադրմամբ՝ գրեթե 20 հազար տոննա, գրում է…

Երեկ Ժոզեպ Բորելի անունից տարածված հայտարարությունը, որը խստորեն դատապարտում էր Ադրբեջանին, ի սկզբանե պետք է լիներ Եվրամիության անդամ 27 երկրի ընդունած համատեղ հայտարարություն: Այդ մասին X-ի իր միկրոբլոգում հայտնել է «Ազատություն» ռադիոկայանի եվրոպական բաժնի խմբագիր Ռիկարդ Յոզվիակը՝ նշելով, որ Հունգարիան վետո է կիրառել համատեղ հայտարարության ընդունման նկատմամբ։ Յոզվիակի խոսքով՝ այդ մասին նա տեղեկացել է երեք…

Բելգիան դատապարտում է Ադրբեջանի ռազմական գործողությունը Լեռնային Ղարաբաղի հայ բնակչության դեմ և խոր ափսոսանք է հայտնում բազմաթիվ զոհերի համար՝ X միկրոբլոգում գրել է Բելգիայի ԱԳՆ ղեկավար Հաջա Լահբիբը։ «Մենք կոչ ենք անում հարգել Ղարաբաղում հայերի անվտանգությունն ու իրավունքները, ինչպես նաև հրադադարի ռեժիմը»,- նշել է նա։

Նիդերլանդները միանում է Եվրամիությանը՝ դատապարտելով Ադրբեջանի ռազմական գործողությունը Լեռնային Ղարաբաղում և դրա հետևանքով մարդկային կորուստները՝ X միկրոբլոգում գրել է երկրի արտգործնախարար Հանկե Բրուինս Սլոթը՝ նշելով, որ ՄԱԿ-ի գլխավոր վեհաժողովի շրջանակում հանդիպել է իր ադրբեջանցի գործընկեր Ջեյհուն Բայրամովի հետ։ «Կոչ ենք անում արդար վերաբերմունք ցուցաբերել Ղարաբաղի հայերի նկատմամբ՝ երաշխավորելով նրանց իրավունքներն ու անվտանգությունը։ ԵՄ մյուս անդամների…

Կարմիր խաչի միջոցով շրջափակված Մարտունուց 9 վիրավոր է տեղափոխվել Ստեփանակերտ: Տեղեկությունը «Լուրերին» հաստատել է Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին: Նա նշել է, որ կազմակերպության միջոցով նաև բժշկական պարագաներ են տեղափոխվել Ստեփանակերտ:

Ալբանիայի Եվրոպայի և արտաքին գործերի նախարար Իգլի Հասանին ԼՂ հարցին նվիրված՝ ՄԱԿ-ի ԱԽ նիստում կողմերին կոչ է արել առաջնահերթություն տալ քաղաքացիական բնակչության պաշտպանությանը և բնակելի տարածքների ու քաղաքացիական ենթակառուցվածքների պահպանմանը: Նա նաև զսպվածության, հանգստության, խաղաղության և երկխոսության կոչ անելով՝ երկու կողմերին հորդորել է հավատարիմ մնալ նախօրեին ձեռք բերված հրադադարի համաձայնությանը և խուսափել հետագա սրացումներից։ Աջակցություն…

Իրանի նախագահ Էբրահիմ Ռայիսին հայտարարել է, որ տարածաշրջանում Իրանի զինված ուժերի ներկայությունը կկանխի սահմանների ցանկացած փոփոխություն: Նա վերահաստատել է Թեհրանի դիրքորոշումը, որ Լեռնային Ղարաբաղը պատկանում է Ադրբեջանին, սակայն շեշտել է, որ անհրաժեշտ է ապահովել տարածաշրջանի հայերի իրավունքներն ու անվտանգությունը:

Հատուկ հանձնարարություններով Հայաստանի դեսպան Էդմոն Մարուքյանը Իքսի իր էջում լուսանկար է հրապարակել ու գրել է. «Լուսանկարում պատկերված են ադրբեջանական ռազմական ագրեսիայի հետևանքով իրենց պապենական տներից տեղահանված Լեռնային Ղարաբաղի հազարավոր հայեր: Նրանք իրական հնարավորություն չունեն վերադառնալու իրենց տները, սակայն Ադրբեջանը շարունակում է խաբել միջազգային հանրությանը։ Այն պետք է հրատապ գործողություններ կատարի»:

ՄԱԿ-ում Գանայի ներկայացուցիչ Կարոլին Աբենա Ամինա Օպոնգ-Նտրիրին հույս է հայտնել, որ Անվտանգության խորհրդի քննարկումները կօգնեն Հայաստանին և Ադրբեջանին ամրապնդելու վաղուց սկսված այս հակամարտության կայուն և տևական լուծումը:   «Գործողությունը, որ Ադրբեջանն իրականացրել երկու օր առաջ՝ սեպտեմբերի 19-ին, և զոհերի առկայությունը, հիշեցնում է մեզ տարածաշրջանում փխրուն խաղաղության և ողբերգական պոռթկումների ռիսկի մասին, ինչին նախկինում երկու անգամ…

ՄԱԿ-ում Մոզամբիկի ներկայացուցիչ Դոմինգոս Էստևաո Ֆեռնանդեսը ԼՂ հարցին նվիրված՝ ՄԱԿ-ի ԱԽ նիստի ընթացքում իր երկրի մտահոգությունն է հայտնել ռազմական բռնության սրման կապակցությամբ և ցավակցություն հայտնել քաղաքացիական անձանց, այդ թվում՝ ռուս խաղաղապահների մահվան կապակցությամբ: Նա նաև ափսոսանք է հայտնել, որ ՄԱԿ-ի Անվտանգության խորհրդի և միջազգային հանրության բազմաթիվ կոչերից հետո բռնությունը գերակշռեց երկխոսությանը՝ վտանգելով երկու երկրի միջև…

ՄԱԿ-ում Գանայի ներկայացուցիչ Խալիլա Հեկմանը կոչ է արել ՄԱԿ-ին ավելի ակտիվ ջանքեր գործադրել՝ օգնելու, որ կողմերը մնայուն լուծում գտնեն ԼՂ հակամարտությանը, քանի որ այն խաթարում է տարածաշրջանի խաղաղությունը:  Նրա համոզմամբ՝ պետք է կոչ արվի կողմերին, որ տարածաշրջանային  և բազմակողմ գործընթացներն արդյունավետ օգտագործեն հակամարտությունը խաղաղ ճանապարհով լուծելու համար՝ հիմնվելով փոխընդունելի և կայացած ու ճանաչված սկզբունքների վրա:…

Սեպտեմբերի 21-ին ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը, սենատորներ Բիլ Քեսսիդիի, Քրիս Վան Հոլենի, Ալեքս Փադիլայի, Շելդոն Ուայթհաուսի և Գարի Փիթերսի հետ ներկայացրել է երկկուսակցական «Հաջակցություն հայերին ադրբեջանական ագրեսիայի դեմ» օրենսդրական ակտը: Օրինագիծն առաջ է քաշվել ի պատասխան Ադրբեջանի կառավարության գործողությունների և նախատեսում է մարդասիրական օգնություն տրամադրել Լեռնային Ղարաբաղի հայությանը, կանխել անվտանգության օգնության…

Թուրքիայի ԱԳ փոխնախարար Բուրաք Աքչափարը Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի ընթացքում հայտարարեց, որ ԼՂ-ում Ադրբեջանի կողմից ձեռնարկված «հակաահաբեկչական գործողությունն» ավարտված է, սկսվել են բանակցություններ: «3 տարի է` Թուրքիան բազմիցս ընդգծել է, որ պատմական հնարավորություն կա վերջապես համապարփակ և տևական խաղաղության հասնելու Հարավային Կովկասում: Բոլոր երրորդ կողմերին, միջազգային սուբյեկտներին կոչ ենք արել այս…

ՄԱԿ-ում Բրազիլիայի ներկայացուցիչ Սերժիո Ֆրանսա Դենեզեն Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի ընթացքում խորը ափսոսանք հայտնեց լարվածության սրման և բռնության հետևանքով զոհերի և կորուստների կապակցությամբ: «Բրազիլիան ցավակցություն է հայտնում զոհերի և վիրավորների ընտանիքներին, խորապես ափսոսում ենք, որ վիրավորներ և զոհեր կան նաև ռուս խաղաղապահների շրջանում, դատապարտում ենք միակողմ գործողությունների օգտագործումը, բնակելի տարածքների նկատմամբ հարձակումները,…

ՄԱԿ-ի Անվտանգության խորհրդի նիստում Ճապոնիայի ներկայացուցիչ Յուկիա Համամոտոն խոր մտահոգություն է հայտնել Լեռնային Ղարաբաղում իրավիճակի վատթարացման կապակցությամբ և նշել, որ մարտական գործողությունների մեկնարկից հետո Ադրբեջանին կոչ է արել անմիջապես դադարեցնել դրանք: Նրա խոսքով՝ իրավիճակի ցանկացած միակողմանի փոփոխություն անընդունելի է: «ՄԱԿ-ի Անվտանգության խորհուրդը պետք է շարունակի զբաղվել Լեռնային Ղարաբաղում մարդասիրական իրավիճակով»,- նշել է դիվանագետը, հավելել՝ պետք է…

ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը ՄԱԿ-ի ԱԽ նիստում նշել է, որ ԵՄ-ն ուշիուշով հետևում է ԼՂ-ում ստեղծված իրավիճակին: «Իմ լիակատար համերաշխությունն եմ հայտնում Ղարաբաղի հայերին, ովքեր ապրում են ինտենսիվ դժվարությունների ժամանակաշրջանում»,- ասել է Բորելը։  Ըստ Եվրամիության դիվանագիտության ղեկավարի՝ Ադրբեջանն է կրում պատասխանատվություն՝ լիարժեք ապահովելու ԼՂ հայերի իրավունքների և անվտանգության նկատմամբ…

ՄԱԿ-ի Անվտանգության խորհրդի նիստում Չինաստանի ներկայացուցիչը նշել է, որ Պեկինը հետևում է Լեռնային Ղարաբաղում իրադարձությունների զարգացումներին, և հույս հայտնել, որ հրադադարը կպահպանվի: Նա ցավակցություն է հայտնել Լեռնային Ղարաբաղում զոհված ռուս զինվորների ընտանիքներին և նշել, որ նրանց անվտանգությունը պիտի երաշխավորված լիներ: «Հայաստանի և Ադրբեջանի միջև վեճերը խաղաղ ճանապարհով լուծելը կծառայի երկու երկրների շահերին, կօգնի միասնաբար ապահովել…

Ադրբեջանն ընտրել է տեղում ռազմական ուժով իրավիճակ փոխելու ճանապարհը՝ ՄԱԿ-ի ԱԽ նիստում հայտարարել է Գերմանիայի արտգործնախարար Աննալենա Բերբոքը: «Գերմանիան վճռականորեն դատապարտում է Բաքվի ռազմական հարձակումը և կոչ անում վերջինիս վերջնականապես և մշտապես դադարեցնել ռազմական գործողությունները: Ի գիտություն ենք ընդունել հրադադարի մասին ստացված տեղեկությունները, սակայն բռնությւոնը պետք է դադարի: Քաղաքացիական բնակչությանը պաշտպանելու ամբողջական պատասխանատվությունը կրում է…

ՄԹ Արտաքին հարաբերությունների և համագործակցության նախարարության պետնախարար Թարիք Ահմադը Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի բացման ժամանակ ասաց, որ ՄԹ-ն մտահոգված է այն լուրջ ճնշումներով, որոնք կրում է ԼՂ բնակչությունը:   «Տեղում մարդասիրական կարիքն ահռելի է, այն շարունակում է մեծանալ: Մի քնաի օր առաջ, ինչպես ԱՄԷ ներկայացուցիչն ասաց, բոլորս քաջալերված էինք լավ լուրերը…

ՄԱԿ-ում Էկվադորի ներկայացուցիչ Էրնան Պերեզ Լուսը Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի ելությի ժամանակ ասաց, որ իր երկիրն ի գիտություն է ընդունում իրավիճակի վերաբերյալ ՀՀ և Ադրբեջանի նամակները, որոնք ուղարկվել են ԱԽ-ին:   «Սեպտեմբերի 19-ի գործողությունները պետք է դատապարտվեն: Դրանց հետևանքով տասնյակ քաղաքացիական անձինք են զոհվել: Հազարավոր մարդիկ հարկադրված են եղել լքել իրենց…

ԱՄՆ-ը մտահոգված է Լեռնային Ղարաբաղի իրավիճակով, որը պայմանավորված է Ադրբեջանի կողմից ռազմական գործողությունների շարունակմամբ: Այդ մասին ՄԱԿ-ի ԱԽ նիստում հայտարարել է ՄԱԿ-ում ԱՄՆ-ի մշտական ներկայացուցիչ Լինդա Թոմաս-Գրինֆիլդը: «Մենք կոչ ենք անում անմիջապես դադարեցնել նման գործողությունները: Ի գիտություն ենք ընդունում հայտարարություններն այն մասին, որ ռազմական գործողություններն ընդհատվել են, և եթե դա հաստատվի, ապա սա կլինի դրական…

ՄԱԿ-ի գլխավոր քարտուղարի՝ Եվրոպայի, Կենտրոնական Ասիայի և Ամերիկայի հարցերով օգնական Միրոսլավ Ենչան Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի բացման ժամանակ հայտարարեց, որ ԼՂ դեմ ռազմական ագրեսիան սկսելուց առաջ այդ մասին Ադրբեջանը տեղյակ է պահել ռուս-թուրքական համակարգման կենտրոնին և ՌԴ խաղաղապահներին:    «Զարգացումները հանգեցրին ռազմական գործողությունների կտրուկ սրացման: Ադրբեջանական ԶՈՒ-ն հատեց շփման գիծը: Ստացվեցին…

ԱՄԷ պետնախարար Ահմեդ բին Ալի Ալ Սայեղը Լեռնային Ղարաբաղի հարցով ՄԱԿ-ի Անվտանգության խորհրդի արտահերթ նիստի ժամանակ հայտարարեց` նիստը տեղի է ունենում, երբ Նյու Յորքում հավաքվում են աշխարհի առաջնորդները, որ ընդգծեն` որքան կարևոր և առաջնահերթ է երկխոսությունը և խաղաղ երկխոսության միջոցով աշխարհի ճգնաժամերը հաղթահարելը` պահպանելու համար ժողովուրդների անվտանգությունը և թույլ տալու համար բազմակողմ գործողություններով հաղթահարել ընդհանուր մարտահրավերներ:…

Մալթան խորապես մտահոգված է Ադրբեջանի կողմից Ղարաբաղի հայերի նկատմամբ վերջին գործողություններից՝ ՄԱԿ-ի Անվտանգության խորհրդի նիստում հայտարարել է Մալթայի արտաքին գործերի նախարար Իան Բորգը: «Մի քանի շաբաթ առաջ էր, որ ՄԱԿ-ի Անվտանգության խորհուրդը բոլոր կողմերին կոչ արեց կառուցողական երկխոսությւոն ծավալել: Նման գործողությունները խոչընդոտ են խաղաղության ճանապարհին: Մալթան դատապարտում է ցանկացած գործողություն, որը վտանգում է քաղաքացիների կյանքը:…

Եվրոպական Միությունը դատապարտում է Ադրբեջանի ռազմական գործողությունը Լեռնային Ղարաբաղի հայ բնակչության դեմ և ափսոսանք հայտնում այդ էսկալացիայի հետևանքով մարդկանց զոհվելու կապակցությամբ: Այդ մասին նշված է Եվրամիության արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելի հայտարարության մեջ:    «Մենք ի գիտություն ենք ընդունել հրադադարի համաձայնության ձեռքբերման մասին համապատասխան հայտարարությունները: Ակնկալում ենք ռազմական գործողությունների անհապաղ և ամբողջական դադարեցում…

ԼՂ պետական նախարար Արթուր Հարությունյանը սեպտեմբերի 21-ին պետական կառավարման համակարգի պատասխանատուների մասնակցությամբ անցկացրել է աշխատանքային խորհրդակցություն, որի ընթացքում քննարկվել են ադրբեջանական ռազմական ագրեսիայի հետևանքով հանրապետությունում ստեղծված իրավիճակն ու անելիքները: Այդ մասին հայտնում են ԼՂ պետական նախարարի աշխատակազմից։   «Սեպտեմբերի 19-ին Ադրբեջանի կողմից սանձազերծված նոր ռազմական գործողությունների հետևանքով վատթարացել է առանց այդ էլ ծանր ճգնաժամային պայմաններում…

Լեռնային Ղարաբաղի մարդու իրավունքների պաշտպան Գեղամ Ստեփանյանը X-ի (նախկին Twitter) իր միկրոբլոգում գրառում է կատարել. «Մարդիկ հուսահատ փնտրում են միմյանց, զանգահարում են ՄԻՊ գրասենյակ՝ իրենց հարազատների մասին գոնե ինչ-որ նորություն իմանալու համար։   Ստեփանակերտի բոլոր փողոցները լեփ-լեցուն են տեղահանված, քաղցած, վախեցած և անորոշության մեջ գտնվող մարդկանցով»,- գրել է Ստեփանյանը: People are desperately looking for each other,…

Ադրբեջանական հարձակման հետևանքով Լեռնային Ղարաբաղի շուրջ ստեղծված իրավիճակը Նյու Յորքում քննարկել են Ադրբեջանի և Իսրայելի ԱԳ նախարարները:   Ջեյհուն Բայրամովը հայտարարել է, թե, իբր, Բաքվի գործողությունների նպատակը տարածաշրջանում խաղաղություն և կայունություն հաստատելն է։   Էլի Քոհենն իր հերթին նշել է, որ Իսրայելը շահագրգռված է բոլոր ոլորտներում Ադրբեջանի հետ գործակցության խորացմամբ։   Կողմերը պատրաստակամություն են հայտնել…

Հայաստանում Եվրամիության դիտորդական առաքելությունն ուժեղացրել է պարեկությունը հայ-ադրբեջանական սահմանային հատվածներում և առճակատման գծում, ինչպես նաև Սոթք գյուղի մոտ՝ տեղում ռազմական և անվտանգային ցանկացած զարգացումների մասին զեկուցելու համար։ Այդ մասին նշված է առաքելության X-ի (նախկին Twitter) պաշտոնական միկրոբլոգում:  «Մենք վերահաստատում ենք մեր հավատարմությունը մանդատին և տարածաշրջանում իրավիճակի կայունացմանը նպաստելուն»,- նշված է գրառման մեջ:

Ռուսական լրատվամիջոցները, վկայակոչելով ՌԴ ուժային գերատեսչության աղբյուրը, հայտնում են, որ Ադրբեջանի ԶՈՒ կորպուսի հրամանատարը, որի ենթակաները մեղավոր են ռուս խաղաղապահների զոհվելու համար, հեռացվել է պաշտոնից:   Նշվում է, որ ձերբակալվել են Լեռնային Ղարաբաղում ռուս խաղաղապահների մահվան գործով առաջին կասկածյալները: