Բելգորոդում ուկրաինական անօդաչու թռչող սարքի հարվածի հետևանքով հրդեհ է բռնկվել բազմաբնակարան շենքում: Բելգորոդի նահանգապետ Վյաչեսլավ Գլադկովը հայտնել է, որ ավերվել կամ վնասվել է 10 բնակարան և 7 ավտոմեքենա: Պաշտոնական տեղեկության համաձայն՝ զոհեր չկան, տուժել է մեկ մարդ։ Լրատվամիջոցները հայտնել են, որ վիրավորների թիվն ավելի մեծ է:
Ղազախստանի նախագահ Կասիմ-Ժոմարտ Տոկաևը մեկնել է Փարիզ, հանդիպել Ֆրանսիայի նախագահ Էմանուել Մակրոնի հետ՝ հայտնում է Ղազախստանի նախագահի մամուլի ժառայությունը: Տոկաևը նշել է, որ բացառիկ կարևորություն է տալիս այդ այցին, որը նախանշում է Ղազախստանի և Ֆրանսիայի միջև ռազմավարական գործընկերության նոր հանգրվան: «Այսօր մեր երկրների միջև պահպանվում է ակտիվ և վստահելի քաղաքական երկխոսություն։ Ղազախստանը և Ֆրանսիան սերտորեն…
Հանրապետության նախագահ Վահագն Խաչատուրյանը հանդիպում է ունեցել Սաուդյան Արաբիայի արքայազն, Արաբական ծոցի զարգացման տարածաշրջանային հիմնադրամի և Երեխաների զարգացման արաբական խորհրդի նախագահ Աբդուլազիզ բին Թալալ բին Աբդուլազիզ Ալ Սաուդի հետ։ Արքայազնը Հայաստան է այցելել Աշխատանքի և սոցիալական հարցերի նախարարության նախաձեռնությամբ նոյեմբերի 5-ին անցկացվող «Ճանապարհ դեպի սոցիալական արդարություն․ արժանապատիվ աշխատանք» խորագիրը կրող միջազգային համաժողովի շրջանակներում: Ողջունելով հյուրին՝…
Եվրոպական հանձնաժողովի նախագահ Ուրսուլա ֆոն դեր Լայենը չի մասնակցի Բաքվում կայանալիք COP-29 գագաթնաժողովին: «Հանձնաժողովն անցումային փուլում է, հետևաբար նախագահը կենտրոնանալու է իր ինստիտուցիոնալ պարտականությունների վրա»,- ասել է Ֆոն դեր Լայենի խոսնակը՝ փոխանցում է Reuters գործակալությունը։
Բորժոմի-Բակուրիանի-Ախալքալաք ավտոճանապարհի 31կմ-63կմ (Անդեսիթի-Գադո) հատվածում, որը հանրապետական նշանակություն ունի, առատ ձյան պատճառով բոլոր տեսակի տրանսպորտային միջոցների տեղաշարժն արգելված է։ Այս մասին հայտնում է Վրաստանի ավտոճանապարհների վարչությունը։ Ըստ տեղեկությունների՝ այս ճանապարհի մյուս հատվածներում տրանսպորտային միջոցների երթեւեկությունն ազատ է։ «Ձյան տեղումների պատճառով Զուգդիդի-Ջվարի-Մեստիա-Լասդիլի ավտոճանապարհի 185կմ-192կմ (Ուշխուլի-Լասդիլի) հատվածում բոլոր տեսակի ավտոմեքենաների տեղաշարժն արգելված է, իսկ 141կմ-184կմ (Մեստիա-Ուշխուլի) հատվածում…
Նոյեմբերի 6-ին Ղրղզստանի մայրաքաղաք Բիշքեկում տեղի կունենա Թյուրքական պետությունների կազմակերպության 11-րդ գագաթնաժողովը: Միջոցառման գլխավոր թեման հետևյալն է. «Թյուրքական աշխարհի հզորացում. տնտեսական ինտեգրում, կայուն զարգացում, թվային ապագա և անվտանգություն բոլորի համար»։ Ղրղզստանի նախագահի աշխատակազմից հայտնել են, որ գագաթնաժողովին կմասնակցեն կազմակերպության անդամ երկրների ղեկավարները, ինչպես նաև դիտորդ պետությունների ներկայացուցիչները: Այսօր արդեն պետական այցով Ղրղզստան է մեկնել Թուրքիայի նախագահ Ռեջեփ Էրդողանը:…
Ռուսաստանն ամեն ինչ անում է Հայաստանի և Ադրբեջանի հարաբերությունների կարգավորման և Երևանի ու Բաքվի միջև խաղաղության պայմանագրի ստորագրման համար՝ հավատարմագրերի հանձնման արարողության ժամանակ հայտարարել է Ռուսաստանի նախագահ Վլադիմիր Պուտինը։ «Նույն ոգով է կառուցվում մեր համագործակցությունը Հայաստանի և Ադրբեջանի հետ։ Մենք արել և անում ենք ամեն ինչ ադրբեջանա-հայկական հարաբերությունների կարգավորման, Անդրկովկասում կայուն խաղաղություն ապահովելու համար: Այսուհետ ևս…
ԱՄՆ ընտրատեղամասերում մեկնարկել է նախագահի ընտրության քվեարկությունը: Վաղ առավոտյան երկրի արևելյան նահանգներում առավոտյան 6:00-ին բացվել են ընտրատեղամասերը: Ակնկալվում է, որ նախագահի այս ընտրությանը կմասնակցի ավելի քան 160 միլիոն ամերիկացի: 82 միլիոն քաղաքացի նախորդ շաբաթների ընթացքում արդեն վաղաժամ քվեարկել է:
Մոլդովայի նախագահի ընտրությունը չի կարելի համարել արդար, թափանցիկ և ժողովրդավարական՝ հայտարարել է Կրեմլի պաշտոնական ներկայացուցիչ Դմիտրի Պեսկովը։ Նա ընդգծել է, որ Մոսկվան այդ ընտրության մասին կարող է օբյեկտիվորեն դատել ըստ Ռուսաստանում բնակվող Մոլդովայի քաղաքացիների, որոնց քվեարկելու հնարավորություն չի տրվել: Ռուսաստանի նախագահի մամուլի քարտուղարի խոսքով՝ դա չէր կարող ազդեցություն չունենալ ընտրության արդյունքների վրա։ Ավելի վաղ ՌԴ…
Թուրքիայի նավթավերամշակման գործարանում պայթյուն է որոտացել: Թուրքական լրատվամիջոցները հայտնել են, որ դա տեղի է ունեցել պլանային վարժանքների ընթացքում։ Պայթյունի հետևանքով հրդեհ է բռնկվել, տուժել է 12 մարդ, նրանք հոսպիտալացվել են: Այլ մանրամասներ դեռևս չեն հաղորդվում:
Օվեռն-Ռոն-Ալպ տարածաշրջանի վեց քաղաքի պատվիրակությունը՝ տարածաշրջանի փոխնախագահ և Վիենի քաղաքապետ Թիերի Կովաչի գլխավորությամբ այցելել է Հայաստանի ռազմավարական տարածաշրջան՝ Սյունիք: Այդ մասին X-ի իր միկրոբլոգում տեղեկացրել է Հայաստանում Ֆրանսիայի դեսպան Օլիվիե Դըկոտինյին: «Նախագահ Լորան Վոկյեի նախաձեռնությամբ երկու տարածաշրջանների միջև 2023 թվականի մարտին հաստատված հարաբերությունները զարգանում և խորանում են»,- նշել է դիվանագետը: Նա տեղեկացրել է, որ Բրոնի,…
Վարչապետ Նիկոլ Փաշինյանը Արդարադատության նախարարության աշխատակազմին է ներկայացրել նորանշանակ նախարար Սրբուհի Գալյանին: Վարչապետը նախ շնորհակալություն է հայտնել Գրիգոր Մինասյանին արդարադատության նախարարի պաշտոնում կատարած աշխատանքի համար, ընդգծել, որ նրա պաշտոնավարման ընթացքում արդարադատության ոլորտում էական և տեսանելի բարեփոխումներ են իրականացվել, այդ թվում՝ խափանման միջոցների նոր ձևերի կիրառումը, թվայնացման ուղղությամբ իրականացված զարգացումները, ենթակառուցվածքների, կառուցվածքային և բովանդակային բարեփոխումները, օրենսդրական…
Ռուսաստանում Հայաստանի նորանշանակ արտակարգ և լիազոր դեսպան Գուրգեն Արսենյանը հավատարմագրերն է հանձնել ՌԴ նախագահին: Վլադիմիր Պուտինն այսօր Կրեմլում ընդունել է 28 նոր դեսպանի հավատարմագրերը։ «Ուրախ եմ այստեղ տեսնել Բելառուսի, Հայաստանի և Ադրբեջանի դեսպաններին։ Այդ պետությունները Ռուսաստանի ամենամոտ հարևաններն են, ամենաբարի բարեկամները, բնական ռազմավարական գործընկերներն ու դաշնակիցները»,- ասել է Պուտինը։ ՌԴ նախագահը նշել է, որ Մոսկվան…
Հյուսիսային Կորեան փոքր հեռահարության մի քանի բալիստիկ հրթիռ է արձակել Ճապոնիայի ուղղությամբ: Ճապոնիայի պաշտպանության նախարարությունը հայտնել է, որ հրթիռների արձակումն իրականացվել է մոտ 9 րոպեի ընթացքում՝ առավոտյան 7:30-ից Հյուսիսային Կորեայի արևմտյան հատվածից: Առնվազն 7 հրթիռ հասել է մոտ 100 կմ առավելագույն բարձրության և մոտ 400 կմ թռչելուց հետո, ենթադրաբար, ընկել է Ճապոնական ծովը՝ Կորեական թերակղզուց…
Վրաստանի շրջանային դատարանը չեղյալ է հայտարարել խորհրդարանի ընտրության արդյունքները 30 տեղամասում՝ քվեարկության գաղտնիությունը խախտելու պատճառով: Երկրի Կենտրոնական ընտրական հանձնաժողովը կարող է բողոքարկել շրջանային դատարանի որոշումը: Քվեարկության գաղտնիության խախտման վերաբերյալ հայցեր է ներկայացրել Վրաստանի երիտասարդ իրավաբանների ասոցիացիան։ Կազմակերպությունը պահանջել է չեղյալ հայտարարել քվեարկության արդյունքները ավելի քան երկու հազար տեղամաում։ Թբիլիսիի և այլ քաղաքների դատարանները բողոքները չեն…
Մենք աջակցում ենք Վրաստանի ժողովրդին, մենք վրաց ժողովրդի կողքին ենք՝ ճեպազրույցի ժամանակ հայտարարել է ԱՄՆ պետքարտուղարության խոսնակը: «Մենք նշել ենք, որ աջակցում ենք նրանց եվրոպական հավակնությունները, նրանց հետագա ինտեգրմանը եվրատլանտյան գործընկերների հետ»,- ասել է Մեթյու Միլլերը: Նա հիշեցրել է, որ Վաշինգտոնը դադարեցրել է Վրաստանի կառավարությանը տրամադրվող օգնության զգալի չափը՝ 95 միլիոն դոլարը այն քայլերի պատճառով,…
Նոյմբերի 5-ին ՀՀ ԱԽ քարտուղար Արմեն Գրիգորյանը հանդիպել է իրանական վերլուծական կենտրոնների փորձագետների հետ՝ ՀՀ վարչապետի աշխատակազմի Հանրային կապերի և տեղեկատվության կենտրոնի կողմից կազմակերպված «Հայաստան-Իրան. Համագործակցության ընթացքն ու նոր հեռանկարները» խորագիրը կրող փորձագիտական աշխատաժողովի շրջանակներում: Այս մասին տեղեկացնում են ԱԽ գրասենյակից: ԱԽ քարտուղարը ողջունել է փորձագետների այցը Հայաստան և կարևորել նման աշխատաժողովների անցկացումը, որոնք միտված…
Ուժեղ փոթորիկների հետևանքով հեղեղվել է Բարսելոնը: Իսպանիայի օդերևութաբանական ծառայությունը Կատալոնիայում վտանգի կարմիր մակարդակ է հայտարարել, մարդկանց կոչ արել զգոն լինել և զերծ մնալ ուղևորություններից: Նշվում է, որ հորդառատ անձրևները Վալենսիայի ինքնավարությունից տեղափոխվել են երկրի հյուսիս-արևելք: Սոցիալական ցանցերում հայտնվել են տեսանյութեր, որոնք ցույց են տալիս ջրի ներթափանցումը Բարսելոնի օդանավակայանի տերմինալ: Տասնյակ չվերթներ են չեղարկվել կամ հետաձգվել:…
Շվեդ բնապահպանական ակտիվիստ Գրետա Թունբերգը հայտարարել է, որ չի մեկնելու Բաքու՝ մասնակցելու ՄԱԿ-ի Կլիմայի փոփոխության շրջանակային կոնվենցիայի կողմերի համաժողովի 29-րդ նստաշրջանին: Նրա խոսքով՝ համաժողովը Բաքվում անցկացնելը «երեսպաշտություն» է, քանի որ Ադրբեջանն ավտորիտար երկրի է, որը բռնաճնշումներ է իրականացնում սեփական քաղաքացիների նկատմամբ, իսկ հայերի նկատմամբ՝ էթնիկ զտումներ: Թունբերգն այժմ Վրաստանում է: Նա մասնակցել է երեկ Թբիլիսիում…
Վարչապետ Նիկոլ Փաշինյանը տիկնոջ՝ Աննա Հակոբյանի հետ մասնակցել է Երևանում անցկացվող «Ճանապարհ դեպի սոցիալական արդարություն. արժանապատիվ աշխատանք» միջազգային համաժողովին: Միջոցառմանը մասնակցել են նաև Արաբական ծոցի զարգացման տարածաշրջանային հիմնադրամի և Երեխաների զարգացման արաբական խորհրդի նախագահ, Սաուդյան Արաբիայի արքայազն Աբդուլազիզ բին Թալալ բին Աբդուլազիզ Ալ Սաուդը, Խաղաղության Նոբելյան մրցանակակիր Քայլաշ Սաթյարթին, Ազգային ժողովի նախագահի տեղակալ Հակոբ Արշակյանը,…
Միացյալ Նահանգներում երեքշաբթի նախագահի ընտրություն կանցկացվի․ ԱՄՆ քաղաքացիները, իսկ հետո նաև ընտրական կոլեգիան կորոշեն, թե առաջիկա չորս տարիներին ով է ղեկավարելու երկիրը՝ Հանրապետական կուսակցության թեկնածու Դոնալդ Թրա՞մփը, որն արդեն եղել է նախագահի պաշտոնին, թե՞ դեմոկրատական կուսակցությունը ներկայացնող ԱՄՆ փոխնախագահ Քամալա Հարիսը։ Երկրում անցկացված սոցհարցումների արդյունքների համաձայն՝ թեկնածուների միջև ընթանում է հավասար ընտրապայքար։ Փաստեր թեկնածուների մասին․…
Իրանի նախագահ Մասուդ Փեզեշքիանը կմասնակցի Բաքվում կայանալիք ՄԱԿ-ի Կլիմայի փոփոխության շրջանակային կոնվենցիայի Կողմերի համաժողովի 29-րդ նստաշրջանին (COP29)։ Իրանի պատվիրակությունը կգլխավորի նախագահը։ Ադրբեջանում Իրանի դեսպանատունը հաստատել է այդ տեղեկությունը: COP29-ը կանցկացվի Բաքվում՝ նոյեմբերի 11-22-ը։ Գագաթնաժողովի շրջանակում կքննարկվեն կլիմայի գլոբալ խնդիրները, կմշակվեն կլիմայի փոփոխության դեմ պայքարի համատեղ լուծումներ:
Ղազախստանը, բախվելով հակամարտությունների աճող ռիսկերին ու ընթացիկ մարտահրավերներին, աջակցում է խաղաղ գործընթացներին ու միջքաղաքակրթական երկխոսությանը։ Այդ մասին Le Figaro-ում հրապարակված իր հոդվածում նշել է Ղազախստանի նախագահ Կասիմ-Ժոմարտ Տոկաևը։ Նա նաև անդրադարձել է մի շարք հակամարտությունների, որոնցում իր երկիրը փորձել ու փորձում է հանդես գալ իբրև բանակցային հարթակ տրամադրող։ «ՀՀ-ին ու Ադրբեջանին խաղաղության պայմանագրի քննարկման բանակցային…
Լիբանանի շրջաններին իսրայելական հարվածների հետևանքով զոհերի ընդհանուր թիվը գերազանցում է 3000-ը, տուժել է 13492 խաղաղ բնակիչ, ասված է Լիբանանի առողջապահության նախարարությանը կից արտակարգ իրավիճակների կենտրոնի հայտարարության մեջ։ «Լիբանանի դեմ իսրայելական ագրեսիայի սկզբից ի վեր զոհվածների թիվը հասել է 3002-ի, վիրավորում է ստացել 13492 խաղաղ բնակիչ»,- ասված է հաղորդագրության մեջ։ Առողջապահության նախարարության տվյալներով՝ նոյեմբերի 3-ին իսրայելական…
ՌԴ և Ադրբեջանի վարչապետներ Միշուստինն ու Ասադովը հեռախոսազրույց են ունեցել, որի ժամանակ քննարկել են ռուս-ադրբեջանական առևտրատնտեսական, գիտատեխնիկական համագործակցության հարցեր, հայտնում է Ռուսաստանի Դաշնության կառավարության մամուլի ծառայությունը։ Նշվում է, որ կողմերը հատուկ ուշադրություն են դարձրել արդյունաբերության և տրանսպորտային ենթակառուցվածքների ոլորտում իրականացվող համատեղ նախագծերին։
ՀՀ նախագահը հրամանագիր է ստորագրել, ըստ որի՝ Սրբուհի Գալյանը նշանակվել է արդարադատության նախարար: «Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի. Սրբուհի Գալյանին նշանակել արդարադատության նախարար»,- ասված է նախագահի հրամանագրում:
Մոլդովայի նախագահի պաշտոնում վերընտրված Մայա Սանդուն շնորհակալություն է հայտնել Հայաստանի վարչապետ Նիկոլ Փաշինյանին՝ նախագահի ընտրությունում հաղթելու կապակցությամբ հղած շնորհավորանքի համար: «Շնորհակալություն, Նիկոլ Փաշինյան, Ձեր ջերմ շնորհավորանքների համար։ Մոլդովան արժևորում է Հայաստանի հետ իր բարեկամությունը և մեր համատեղ հավատարմությունը ժողովրդավարությանը»,- գրված է Սանդուի X-ի էջում:
Գազայի հատվածի հյուսիսում՝ Ջաբալիայում, վերջին 48 ժամում ավելի քան 50 երեխա է մահացել, հայտարարել է ՄԱԿ-ի Մանկական հիմնադրամի գործադիր տնօրենը։ ՅՈՒՆԻՍԵՖ-ի ղեկավար Քեթրին Ռասելն ասել է, որ հարվածներ են հասցվել շենքերին, «որոնցում հարյուրավոր մարդիկ են պատսպարվել»: Ռասելը հարձակումներն անվանել է «Գազայի հատվածում խաղաղ բնակիչների վրա անկանոն հարձակումների սարսափելի հետևանքների ևս մեկ օրինակ»: Առողջապահության համաշխարհային կազմակերպությունը հայտնել…
Եվրամիությանն անհրաժեշտ են Վրաստանի իշխանությունների որոշակի գործողությունները, եթե հանրապետությունը ցանկանում է պահպանել իր կուրսը դեպի ԵՄ։ Այս մասին Վրաստանի նախագահ Սալոմե Զուրաբիշվիլու հետ հեռախոսազրույցից հետո հայտարարել է Եվրահանձնաժողովի ղեկավար Ուրսուլա ֆոն դեր Լայենը։ Նա նշել է, որ Վրաստանում խորհրդարանի ընտրությունից հետո իրավիճակը «մնում է տագնապալի»։ Ընդդիմադիր կուսակցությունների առաջնորդներն ու նրանց համախոհներն այսօր երթով շարժվել են…
Գերմանիայի արտաքին գործերի նախարար Անալենա Բերբոքը երկուշաբթի՝ նոյեմբերի 4-ին, չհայտարարված այցով ժամանել է Կիև։ Այցի ծրագիրը, ըստ նախնական տվյալների, ներառում է հանդիպումներ ուկրաինացի բարձրաստիճան պաշտոնյաների հետ, համատեղ մամուլի ասուլիս արտգործնախարար Անդրեյ Սիբիհայի հետ։ Բերբոքը Կիև է ժամանել վաղ առավոտյան հատուկ գնացքով: Սա նրա ութերորդ այցն է Ուկրաինա՝ պատերազմն սկսվելուց ի վեր: Վերջին անգամ Գերմանիայի արտգործնախարարն…
