Ախալքալաքի մունիցիպալիտետի քաղաքապետ Մելքոն Մակարյանը, փոխքաղաքապետ Թեյմուրազ Մճեդլիձեն, սակրեբուլոյի նախագահ Ռուբեն Պալյանը և տեղական ինքնակառավարման մարմինների ներկայացուցիչները ծանոթացել են Զակվի գյուղում ճանապարհային ենթակառուցվածքների բարելավման աշխատանքների ընթացքին։
Նախագիծը նախատեսում է գյուղի մուտքի ճանապարհի և ներքին ճանապարհների ամբողջական վերականգնում ու ասֆալտապատում։
Շուրջ 2,7 կմ երկարությամբ ճանապարհահատվածը կապահովի Զակվի և Բուղաշեն գյուղերի միջև առկա ճանապարհային կապը՝ բարելավելով բնակիչների տեղաշարժի պայմանները։
Ծրագիրն իրականացվում է Տարածաշրջանային նախագծերի հիմնադրամի ֆինանսավորմամբ։ Նախագծի ընդհանուր արժեքը կազմում է 1 669 580 լարի։