29.05.2025

Ստամբուլում ռուս-ուկրաինական բանակցությունների երկրորդ փուլ անցկացնելու մասին քննարկումների ֆոնին հեռախոսազրույց են ունեցել Ռուսաստանի և Թուրքիայի արտգործնախարարները:  Ըստ ՌԴ ԱԳՆ հաղորդագրության՝ Սերգեյ Լավրովը և Հաքան Ֆիդանն անդրադարձել են պատերազմի քաղաքական կարգավորման ուղղությամբ գործադրվող ջանքերին։ Թուրքական կողմը պատրաստակամություն է հայտնել անհրաժեշտության դեպքում կրկին հյուրընկալելու Կիևի և Մոսկվայի բանակցող թիմերին:

Tesla-ի և SpaceX-ի ղեկավար, գործարար Իլոն Մասկը հայտնել է, որ լքում է հատուկ պետական ծառայողի պաշտոնը, որը նա զբաղեցնում էր ԱՄՆ նախագահ Դոնալդ Թրամփի վարչակազմում: «Հատուկ պետական ծառայողի պաշտոնում իմ պաշտոնավարման ժամկետի ավարտի կապակցությամբ ցանկանում եմ շնորհակալություն հայտնել նախագահ Դոնալդ Թրամփին՝ շռայլ ծախսերը կրճատելու հնարավորություն ընձեռելու համար»,- նշել է Մասկը: Թրամփի վարչակազմում Մասկը ղեկավարում էր…

Մոսկվայում անօդաչուն մխրճվել է բնակելի տան մեջ։ ԶԼՄ-ների հաղորդմամբ՝ դեպքը տեղի է ունեցել մետրոյի Տրոպարյովո կայարանից ոչ հեռու։ Դրա մոտակայքում է տեղակայված ՌԴ ԶՈՒ գլխավոր շտաբի Ռազմական ակադեմիան։ Մոսկվայի քաղաքապետ Սերգեյ Սոբյանինը հաստատել է լուրը, նշել, որ տուժածներ չկան։ ՌԴ ԶՈՒ-ն հայտնել է, որ մայիսի 28-ին՝ 20։00-ից սկսած՝ ՌԴ տարածքում ոչնչացվել է 44 ԱԹՍ, որոնցից…

Ուկրաինայի պաշտպանության նախարար, բանակցություններում ուկրաինական պատվիրակության ղեկավար Ռուստեմ Ումերովը պնդում է, որ Ուկրաինան Ռուսաստանին փաստաթուղթ է ուղարկել՝ հրադադարի վերաբերյալ իր դիրքորոշմամբ։ «Ես ռուսական ղեկավարության ղեկավարին եմ ուղարկել մեր փաստաթուղթը, որն արտացոլում է ուկրաինական դիրքորոշումը։ Նրանք ստացել են այդ փաստաթուղթը»,- ֆեյսբուքյան էջում գրել է նա։ Ուկրաինայի պաշտպանության նախարարի խոսքով՝ Ուկրաինան դեմ չէ ՌԴ հետ հանդիպմանը, բայց…

Վաշինգտոնն աջակցում է Հարավային Կովկասում խաղաղության և կայունության խթանմանն ուղղված ջանքերին, դրանք էական նշանակություն ունեն տարածաշրջանի բարեկեցության համար՝ ասված է Ադրբեջանի Անկախության օրվա առիթով ԱՄՆ պետքարտուղարի ուղերձում: Մարկո Ռուբիոն ողջունել է Հայաստանի և Ադրբեջանի միջև խաղաղության պայմանագրի տեքստի շուրջ ձեռք բերված համաձայնությունը։ «Նաև աջակցում ենք Ադրբեջանի ինքնիշխանությանը, անկախությանը և տարածքային ամբողջականությանը։ Ճանաչում ենք այդ երկրի…