13.12.2023

Դեկտեմբերի 14-15-ը նախատեսված ԵՄ ընդլայնման հարցով գագաթնաժողովին ընդառաջ Եվրախորհրդարանը հավանություն է տվել Վրաստանին ԵՄ թեկնածուի կարգավիճակ շնորհելու և կազմակերպությանն Ուկրաինայի, Մոլդովայի, Բոսնիա և Հերցեգովինայի անդամակցության բանակցությունները մեկնարկելու կոչով բանաձևին: Փաստաթուղթը խորհրդատվական բնույթ է կրում։ Եվրախորհրդարանի պատգամավորները նաև ողջունում են Եվրամիությանը մոտենալու՝ Հայաստանի կառավարության պատրաստակամությունը։ Միաժամանակ, բանաձևը շեշտում է՝ ԵՄ-ին անդամակցության արագացված ընթացակարգեր չպետք է ներդրվեն:…

ԵԽ Հարավային Կովկասի հետ կապերի պատվիրակության նախագահ Մարինա Կալյուրանդն իր X-ի էջում հրապարակել է իր, Եվրախորհրդարանի Հայաստանի հարցերով մշտական զեկուցող Անդրեյ Կովաչևի և Եվրախորհրդարանի` Ադրբեջանի հարցերով մշտական զեկուցող Զելյանա Զովկոյի համատեղ հայտարարությունը, որում նրանք ողջունել են Հայաստանի և Ադրբեջանի համատեղ հայտարարությունը. «Համատեղ հայտարարությունը նշանակալի քայլ է վստահության ձևավորման գործում, որն անհրաժեշտ է համապարփակ խաղաղության պայմանագրի…

Դեկտեմբերի 13-ին Վրաստանում ՀՀ դեսպան Աշոտ Սմբատյանը հանդիպում ունեցավ Վրաստանի խորհրդարանի Մշակույթի հանձնաժողովի ղեկավար Էլիսո Բոլքվաձեի հետ։ Կողմերը մտքեր փոխանակեցին Հայաստանի և Վրաստանի խորհրդարանների մշակույթի հանձնաժողովների միջև ստորագրված հուշագրի շրջանակներում երկկողմ համագործակցության խորացման քայլերի վերաբերյալ, անդրադարձ կատարվեց առաջիկայում նախատեսված համատեղ մշակութային ծրագրերին։

Ախալցխա քաղաքում ամանորյա նախապատրաստական ​​աշխատանքներն ակտիվորեն ընթանում են: Քաղաքի փողոցները լուսավորվում են զանազան դեկորացիաներով ու լուսավորությամբ։ Սկսվել է քաղաքի նոր՝ գլխավոր տոնածառի տեղադրումը։ Ախալցխայի բնակիչներն ու քաղաքի հյուրերն այս տարի սպասում են առանձնահատուկ գեղեցիկ միջավայրի և ամանորյա բազմազան ծրագրի։

Այսօր Վարշավայի նախագահական պալատում տեղի է ունեցել Լեհաստանի նորընտիր վարչապետ Դոնալդ Տուսկի և նրա կառավարության երդման հանդիսավոր արարողությունը: Կառավարության նոր կազմում է ընդգրկվել 26 նախարար: Մինչ այդ, Սեյմում կայացած իր ծրագրային ելույթում Տուսկն ընդգծել է Լեհաստանի համար ուժեղ Եվրոպական միության կարևորությունը։ Նա խոստացել է վերականգնել Լեհաստանի առաջատար դիրքերը ԵՄ-ում, լինել ՆԱՏՕ-ի կարևոր մասն ու ԱՄՆ-ի…

Պաղեստինյան ՀԱՄԱՍ շարժումը Հորդանան գետի Արևմտյան ափի բնակչությանը կոչ է արել ուժեղացնել դիմադրությունն իսրայելական բանակին բոլոր քաղաքներում ու գյուղերում։ Շարժումն Արևմտյան ափում իսրայելական բանակի գործողությունները համարել է «համապարփակ պատերազմի շարունակություն՝ հուսահատորեն փորձելով հանգցնել Պաղեստինի ժողովրդի դիմադրության բոցը»։ Իսրայելական բանակը, ի լրումն Գազայի հատվածում լայնածավալ գործողությունների, պարբերաբար ծանր զինտեխնիկայի կիրառմամբ գործողություններ և գրոհներ է իրականացնում նաև…

Դեկտեմբերի 12-17-ը Բաթումիում՝ Մուխրան Վախթանգաձեի անվան մարզապալատում, կանցկացվի Վրաստանի պատանի և մեծահասակների բռնցքամարտիկների ազգային առաջնությունը։ Մրցումներին մասնակցում են  տարբեր քաղաքների և մարզերի, իսկ բռնցքամարտիկները կմրցեն սիրողական բռնցքամարտի համաշխարհային ֆեդերացիայի կողմից հաստատված քաշային կարգերում։ Ախալքալաքի մարզական համալիրից մասնակցում են. Մեծահասակներից՝ Գոռ Այվազյանը (54կգ), Արտյուշ Գոմցյանը (60 կգ), Արշակ Էլիզբարյանը (75կգ), Արտյոմ Յորդանյանը (86 կգ)։  Երիտասարդներից՝ Երիտասարդներից՝…

ՀՀ կրթության, գիտության, մշակույթի և սպորտի նախարարության «Ոչ նյութական մշակութային ժառանգության պահպանության ծրագրեր» անվանակարգով 2023 թ. դրամաշնորհային մրցույթին հավանության արժանացած «Տոներն ու ծեսերը Ջավախքում» ծրագիրն ամփոփվել է էլեկտրոնային գրքի հրատարակությամբ (https://tinyurl.com/2f3n26ks): Ծրագիրն իրականացվել է «Ջավախք» հայրենակցական բարեգործական հասարակական կազմակերպության նախաձեռնությամբ, որի ընթացքում Ջավախքի երիտասարդների, այդ թվում՝ ուսանողների ներգրավմամբ Սամցխե-Ջավախքի երկրամասի Նինոծմինդայի շրջանի 10 համայնքներում (Նինոծմինդա,…

ՄԱԿ-ի Գլխավոր վեհաժողովը դեկտեմբերի 12-ին քվեարկել է պաղեստինա-իսրայելական հակամարտության գոտում կրակի անհապաղ դադարեցման պահանջով բանաձևի ընդունման օգտին: Փաստաթղթին կողմ է քվեարկել 153 պետություն, այդ թվում՝ Բրազիլիան, Իրանը, Իսպանիան, Կանադան, Չինաստանը, Ռուսաստանը, Ֆրանսիան, Շվեյցարիան և Շվեդիան։ Դեմ է արտահայտվել 10 երկիր, այդ թվում՝ Իսրայելը, ԱՄՆ-ն և Ավստրիան։ Քվեարկությանը ձեռնպահ է մնացել 23 պետություն, նաև՝ Գերմանիան։ Նիստի…

Ռուսաստանի դեմ պատժամիջոցների շրջանցման դեմ պայքարի շրջանակներում Միացյալ Նահանգները տարբեր երկրների ավելի քան 250 ընկերության և անհատի է ներառել սև ցուցակում: Այդ մասին ասվում է ԱՄՆ ֆինանսների նախարարության դեկտեմբերի 12-ի հաղորդագրության մեջ: «Խոսքն այն մասին է, որ Ուկրաինայում Ռուսաստանի հանցագործությունների համար պատասխանատվության կենթարկվեն ոչ միայն Ռուսաստանը, այլև այն պետությունները, որոնք ֆինանսավորում և աջակցում են ռուսական…

Amnesty International միջազգային իրավապաշտպան կազմակերպությունն անհանգստություն է հայտնել Ադրբեջանում ԶԼՄ-ների դեմ բռնաճնշումների ուժեղացման կապակցությամբ: Որպես վերջին օրինակ կազմակերպությունը ներկայացրել է Բաքվում Kanal-11-ի YouTube-յան նախագծի ղեկավար Թեյմուր Քերիմովի ձերբակալությունը։ Թեյմուր Քարիմովի ձերբակալությունը համապատասխանում է Ադրբեջանում լրագրողների և այլ քննադատաբար տրամադրված անձանց դեմ ներկայացվող կեղծ մեղադրանքների տագնապալի միտմանը: Մենք ԶԼՄ-ների դեմ բռնաճնշումների էսկալացիայի ականատեսն ենք, որոնք սկսվել…

Բրյուսելում Հայաստանի արտգործնախարար Արարատ Միրզոյանը հանդիպել է Էստոնիայի իր գործընկեր Մարգուս Ցահքնայի հետ: Վերջինս X-ի իր էջում գրել է. «Հանդիպեցի ՀՀ արտաքին գործերի նախարար Արարատ Միրզոյան հետ: Ես ընդգծեցի, որ Էստոնիան պարտք ունի Հայաստանին, քանի որ չենք ճանաչել հայ ժողովրդի ցեղասպանությունը, և ես այդ գործընթացը կսկսեմ Էստոնիայի խորհրդարանում»։

Եմենի մերձակայքում նավերի վրա հարձակումները հանգեցրել են բեռնափոխադրումների արժեքի բարձրացմանը՝ կապված մտավախությունների հետ, որ մատակարարման շղթաները կարող են խաթարվել: Եմենի հուսիների բարձրաստիճան պաշտոնյան Կարմիր ծովում գտնվող բեռնատար նավերին զգուշացրել է խուսափել Իսրայելի և Պաղեստինի օկուպացված տարածքների ուղղությամբ ճանապարհորդելուց, իսրայելական նավերն էլ անվանել է իրենց «օրինական թիրախները»: Նա կոչ է արել բեռնատար նավերին «չկեղծել իրենց ինքնությունը»…

Միացյալ Նահանգները շուտով կարող է կորցնել Կիևին օգնելու իր հնարավորությունը, եթե Կոնգրեսը չհաստատի Ուկրաինային լրացուցիչ բյուջետային հատկացումները։ Այդ մասին ԱՄՆ նախագահ Ջո Բայդենը հայտարարել է Ուկրաինայի ղեկավար Վոլոդիմիր Զելենսկու հետ համատեղ մամուլի ասուլիսում։ Դեկտեմբերի 12-ին Բայդենը հայտարարել է Ուկրաինային 200 միլիոն դոլար արժողությամբ ռազմական օգնության հերթական փաթեթի մասին, որը ներառում էր զինամթերք և հակաօդային պաշտպանության…

Ռուսաստանի փոխարտգործնախարար Միխայիլ Գալուզինը վստահ է, որ Հայաստանում ԵՄ դիտորդական առաքելության հայտնվելը միանգամայն անօգուտ քայլ է հայ-ադրբեջանական կարգավորմանը նպաստելու տեսանկյունից: Այն միայն կուժեղացնի լարվածությունը Հարավային Կովկասում: «Ռուսական կողմը համոզված է, որ ԵՄ առաքելության ընդլայնումը «բացարձակապես անօգուտ կլինի և որևէ արդյունք չի տա ադրբեջանա-հայկական կարգավորումը դյուրացնելու առումով: Դա միայն լրացուցիչ լարվածություն և անվստահություն է ստեղծում»,- ասել…

Դոնալդ Տուսկի՝ Լեհաստանի վարչապետ ընտրվելու կապակցությամբ Հայաստանի վարչապետ Նիկոլ Փաշինյանը X-ի իր միկրոբլոգում գրել է. «Շնորհավորում եմ Դոնալդ Տուսկին Լեհաստանի վարչապետ դառնալու կապակցությամբ: Ակնկալում ենք շարունակել Հայաստանի և Լեհաստանի համագործակցությունը երկկողմ և բազմակողմ մակարդակներում, ինչպես նաև սերտ գործընկերությունը ԵՄ-ի շրջանակներում՝ հիմնված մեր ընդհանուր արժեքների և ժողովրդավարական իդեալների վրա»:

ԱՄՆ նախագահ Ջո Բայդենը հավանություն է տվել Ուկրաինային նոր ռազմական օգնության փաթեթի հատկացմանը: Այս մասին հայտնում են Սպիտակ տնից: Ուկրաինային հատկացվելիք ռազմական նոր օգնության փաթեթը 200 մլն դոլարի չափով է: