Ֆրանսիայի նախագահ Էմանուել Մակրոնի խոսքով՝ Եվրամիությունը և Ֆրանսիան պաշտպանում են Ուկրաինայի ինքնիշխանությունն ու տարածքային ամբողջականությունը։
«Ուկրաինան ընտրել է ժողովրդավարության, բարեփոխումների ուղին, և նա պետք է գնա այս ճանապարհով, քանի որ դա ուկրաինացի ժողովրդի ընտրությունն է»,- ասել է Մակրոնը նախագահ Զելենսկու հետ Ուկրաինայում կայացած մամուլի ասուլիսում։
Նրա խոսքով, Մինսկի համաձայնագրի իրականացումն անհրաժեշտ է։
«Ֆրանսիան Գերմանիայի հետ միասին ներգրավված է միջնորդական գործընթացում՝ Նորմանդյան քառյակի ձևաչափով, և այժմ կարևոր է, որ երկու կողմերն էլ կատարեն Մինսկի համաձայնագրերով ստանձնած պարտավորությունները։
Մինսկի համաձայնագրի ամբողջական կատարումը էական է. Անհրաժեշտ է նաև նոր լայն և նորարարական մոտեցումներով երկխոսություն սկսել եվրոպական մայրցամաքում անվտանգության երաշխիքների վերաբերյալ»,- ասել է Էմանուել Մակրոնը։