Թուրքիան աշխատանքներ է տանում Ռուսաստանի և Ուկրաինայի արտգործնախարարների նոր հանդիպման կազմակերպման ուղղությամբ։ Այս մասին հայտնել է Թուրքիայի արտգործնախարար Մևլութ Չավուշօղլուն:
«Ստամբուլում կայացած բանակցություններում զգալի առաջընթաց է գրանցվել, սակայն այս փուլում մենք չենք տեսնում այն արդյունքների իրագործումը»,- նշել է Թուրքիայի ԱԳ նախարարը:
Նրա խոսքով՝ Ռուսաստանի և Ուկրաինայի միջև հաջորդ հանդիպումը կարող է տեղի ունենալ առաջիկա մեկ-երկու շաբաթվա ընթացքում ավելի բարձր՝ ԱԳ նախարարների մակարդակով։
«Նման հանդիպման կազմակերպման հարցով երեկ խոսել եմ Ռուսաստանի արտգործնախարար Սերգեյ Լավրովի և Ուկրաինայի արտգործնախարար Դմիտրո Կուլեբայի հետ»,- հայտնել է Չավուշօղլուն։