Իսրայելի Քնեսեթը հաստատել է օրենքը, որով արգելվում է Իսրայելի տարածքում ՄԱԿ-ի՝ Մերձավոր Արևելքում պաղեստինցի փախստականների օգնության և աշխատանքների գործակալության գործունեությունը։ Kan ռադիոկայանի հաղորդմամբ՝ օրինագիծն ընդունվել է երկրորդ, երրորդ ընթերցումներով և ամբողջապես։ Արգելքի օգտին է քվեարկել 92, դեմ՝ 10 պատգամավոր։ Օրենքը գործակալությանն արգելում է ունենալ ներկայացուցչություններ, ծառայություններ առաջարկել, ուղղակի կամ անուղղակի որևէ գործունեություն ծավալել իսրայելական տարածքում։

Թբիլիսիում՝ խորհրդարանի շենքի մոտ ընդդիմության բողոքի ակցիան՝ ուղղված ընտրության արդյունքների դեմ, ավարտվել է առանց միջադեպերի։ Ակցիայի կազմակերպիչներն արդեն հայտարարել են հավաքի պաշտոնական մասի ավարտի մասին։ Հնչել է ԵՄ օրհներգը, ինչից հետո մարդիկ սկսել են ցրվել, թեպետ նրանց մի մասը շարունակում է մնալ խորհրդարանի շենքի և կից փողոցների տարածքում։ Ռուսթավելիի պողոտան, որտեղ վրացական օրենսդրական մարմինն է…

Վրաստանի խորհրդարան մտած ընդդիմադիր կուսակցությունները բոյկոտ են հայտարարել օրենսդիր մարմնին։ «Մենք չենք մտածում այս խորհրդարանում աշխատելու մասին»,- ասել է «Ուժեղ Վրաստան» կուսակցության առաջնորդներից Աննա Դոլիձեն։ Ավելի վաղ ընտրության արդյունքում խորհրդարան անցած երկու ընդդիմադիր կուսակցություն՝ «Միասնություն-Ազգային շարժումը» և «Հանուն փոփոխությունների» դաշինքը հայտարարել էին, որ հրաժարվում են պատգամավորի մանդատներից։ Չորրորդ ընդդիմադիր՝ «Հանուն Վրաստանի» կուսակցության առաջնորդ Գիորգի Գախարիան,…

ՆԱՏՕ-ի գլխավոր քարտուղար Մարկ Ռյուտեն երկուշաբթի հայտարարել է, որ կարող է պաշտոնապես հաստատել հյուսիսկորեացի զինվորների ներկայությունը Ռուսաստանի Կուրսկի շրջանում։ Ըստ Ռյուտեի՝ Հյուսիսային Կորեայի զորքերի ներգրավվածությունը նշանավորում է հակամարտության «զգալի էսկալացիա» և «վտանգավոր ընդլայնում»: Նրա խոսքով՝ այժմ ակտիվ խորհրդակցություններ են անցկացվում ՆԱՏՕ-ի անդամների միջև պատասխան միջոցառումների վերաբերյալ, «այդ թվում՝ ուկրաինացի և հարավկորեացի գործընկերների հետ»։ Ուկրաինայի պաշտպանության…

Սլովակիայի վարչապետ Ռոբերտ Ֆիցոյի դեմ նոր մահափորձ է կատարվել: Այդ մասին հայտարարել է ինքը՝ քաղաքական գործիչը։ Նրա խոսքով՝ այն իրականացվել է հոկտեմբերին, երբ մի տղամարդ լիցքավորված ատրճանակով փորձել է մասնակցել Կարպատա-Դուկլինյան ռազմական գործողության 80-ամյակին նվիրված միջոցառմանը։ Ֆիցոն կարծում է, որ մահափորձը կապված է Ուկրաինայի հարցում իր դիրքորոշման հետ։ Հիշեցնենք, որ Սլովակիայի վարչապետի դեմ արդեն մահափորձ…

Թբիլիսիում խորհրդարանի շենքի դիմաց սկսվել է խորհրդարանի ընտրության արդյունքներից դժգոհ վրացական ընդդիմության բողոքի ցույցը, Ռուսթավելի պողոտայի երթևեկությունն արգելափակվել է: Մարդկանց ամբոխը հավաքվում է խորհրդարանի մոտ, ոմանք կրում են ԵՄ-ի և Վրաստանի դրոշները: Ընդդիմադիր կուսակցությունների առաջնորդները նախատեսել են հանրահավաքում ներկայացնել իրենց գործողությունների ծրագիրը: Վրաստանի նախագահ Սալոմե Զուրաբիշվիլին հայտարարել է, որ երկրում խորհրդարանի ընտրության արդյունքների դեմ բողոքողները…

ՀՀ ԱԳ նախարար Արարատ Միրզոյանը շնորհակալան ուղերձ է հղել Լիտվայի՝ պաշտոնից հեռացող իր գործընկեր Գաբրիելիուս Լանդսբերգիսին՝ Հայաստանին ցուցաբերած աջակցության համար: «Հարգելի ընկեր, ուզում եմ շնորհակալություն հայտնել Հայաստանի և Լիտվայի միջև հարաբերությունների ու գործընկերության ամրապնդման հարցում Ձեր ներդրման, ինչպես նաև ԵՄ-ում Հայաստանի ավելի ուժեղ ներգրավվածությանն  աջակցելու համար: Ըստ արժանվույն է գնահատվել նաև Ձեր սկզբունքային դիրքորոշումը մեր…

Այսօր Փարիզում սկսվել է սեռական ոտնձգությունների համար մեղադրվող ֆրանսիացի դերասան Ժերար Դեպարդիեի դատավարությունը։ Առաջին նիստի մեկնարկից մի քանի ժամ առաջ 75-ամյա դերասանի փաստաբանը հայտնել է, որ առողջական խնդիրների պատճառով Դեպարդիեն չի կարող ներկայանալ նիստին: Մեղադրյալը խնդրել է հետաձգել նիստը, որպեսզի կարողանա ներկա լինել և ելույթ ունենալ, ասել է դերասանի փաստաբանը: Դատարանը քննելու է 2021 թվականին…

Հունգարիայի վարչապետ Վիկտոր Օրբանը Վրաստան կատարելիք իր պաշտոնական այցի ընթացքում չի ներկայացնի ԵՄ շահերը: Այդ մասին իսպանական RNE ռադիոկայանի եթերում հայտարարել է եվրոպական դիվանագիտության ղեկավար Ժոզեպ Բորելը։ «Անկախ նրանից, թե իր այցի ժամանակ ինչ կասի Օրբանը Վրաստանի իշխանությունների ներկայացուցիչներին, նա չի ներկայացնի Եվրամիությունը»,- ասել է Բորելը, միաժամանակ ընդգծել, որ Բրյուսելը հասկանում է Օրբանի այցի դրդապատճառները։…

Բաղդադը բողոք է ներկայացրել ՄԱԿ-ին Իսրայելի դեմ, որն Իրաքի օդային տարածքն օգտագործել է Իրանին հարվածելու համար: Այդ մասին հայտնում է РИА Новости-ն։ Երկրի կառավարությունը նշել է, որ Իրաքը թույլ չի տալիս իր օդային և ցամաքային տարածքներն օգտագործել այլ երկրների վրա հարձակվելու համար։ Պաշտոնական բողոքի նոտա է ուղարկվել գլխավոր քարտուղարին և ՄԱԿ-ի Անվտանգության խորհրդին։ Ի պատասխան…

Միջազգային դիտորդները մտահոգություն են հայտնել Վրաստանի ընտրությունում խախտումների վերաբերյալ: Փորձագետները արձանագրել են ընտրողների ահաբեկման, պետական ծառայողների նկատմամբ ճնշման, դիտորդների նկատմամբ բռնության, ընտրակաշառքի, բազմակի քվեարկության և քվեաթերթիկների լցոնման դեպքեր, հայտնել են ԵԱՀԿ-ում: Ընտրության օրն ընդհանուր առմամբ լավ էր կազմակերպված, սակայն իրավիճակը լարված էր, պարզաբանել է ԵԱՀԿ առաքելության ղեկավար Պասկալ Ալիզարը: ԱՄՆ պետքարտուղար Էնթոնի Բլինքենը կոչ է…

Հայաստանի ԱԳՆ-ը X-ի իր էջում հայտարարություն է հրապարակել, որում մտահոգություն է հայտնել տարածաշրջանում տեղի ունեցող զարգացումների կապակցությամբ: «Հայաստանը դատապարտում է միջազգային անվտանգության խաթարմանն ուղղված գործունեությունը, որը դրսևորվեց նաև անցած շաբաթ Իրանի Իսլամական Հանրապետության դեմ իրականացված գործողություններում։ Մենք խորապես մտահոգված ենք ավելի լայն տարածաշրջանում տեղի ունեցող զարգացումներով։ Հուսով ենք, որ դիվանագիտությունը հնարավորություն կտա պաշտպանել միջազգային իրավունքն…

Եգիպտոսի նախագահն Իսրայելին և ՀԱՄԱՍ-ին առաջարկել է երկօրյա զինադադար կնքել, որի ընթացքում պետք է ազատ արձակվի Գազայում պահվող չորս պատանդ: Կահիրեում ընդունելով Ալժիրի նախագահ Աբդելմաջիդ Թեբունին՝ Աբդել-Ֆաթթահ աս-Սիսին ասել է, որ առաջարկը ներառում է նաև պաղեստինցի բանտարկյալների ազատ արձակումն ու մարդասիրական օգնության առաքումը Գազայի հատված: Իսրայելից կամ ՀԱՄԱՍ-ից դեռևս պատասխան չի ստացվել, քանի որ շուտով…

Թուրքիայի հարավային Ադանա նահանգում գրանցվել է 5,0 մագնիտուդով երկրաշարժ: Երկրի արտակարգ իրավիճակների հետևանքների վերացման վարչության (AFAD) հաղորդագրության մեջ նշված է, որ ստորգետնյա ցնցումները տեղի են ունեցել Քոզանի շրջանում` Երևանի ժամանակով 21:07-ին: Գերատեսչության տվյալներով՝ երկրաշարժի էպիկենտրոնը գտնվել է 20 կմ խորության վրա:    

Վրաստանի վարչապետ Իրակլի Կոբախիձեն հայտարարել է, որ երկրի կառավարությունը կհաստատվի՝ չնայած ընդդիմությունը հրաժարվում է ճանաչել քվեարկության արդյունքները։ Վրաստանի նախագահը, սակայն, չի ճանաչում երկրում անցկացված խորհրդարանի ընտրության արդյունքները, որոնց համաձայն՝ հաղթել է իշխող «Վրացական երազանք» կուսակցությունը։ Այդ մասին կիրակի Թբիլիսիում հայտարարել է Սալոմե Զուրաբիշվիլին՝ ելույթ ունենալով ընդդիմության առաջնորդների հետ։ Նա կոչ է արել բնակչությանը երկուշաբթի Թբիլիսիում…

Ես ցանկանում եմ ասել, որ որպես այս երկրում միակ անկախ ինստիտուտ, չեմ ճանաչում այս ընտրությունը, այն չի կարելի ճանաչել, քանի որ դա նույնն է, ինչ ընդունել Ռուսաստանի ներխուժումը, Վրաստանի հպատակվելը Ռուսաստանին: Ես դրա համար չեմ եկել այս երկիր: Այդ մասին, ինչպես հայտնում է Վրաստանի Առաջին ալիքը, հայտարարել է նախագահ Սալոմե Զուրաբիշվիլին: Զուրաբիշվիլին այսօրվա ճեպազրույցում հայտարարել…

ՄԱԿ-ի անվտանգության խորհրդի՝ Ուկրաինայի հարցով նիստը տեղի կունենա հոկտեմբերի 30-ին, լրատվամիջոցներին հայտնել են ՄԱԿ-ում Շվեյցարիայի մշտական ներկայացուցչությունից։ «Հոկտեմբերի 30-ին տեղի կունենա նիստ՝ Ուկրաինայում անվտանգության ու խաղաղության պահպանման հարցով։ Նիստի անցկացման համար խնդրել է Ուկրաինան՝ ԱՄՆ, Ֆրանսիայի, Մեծ Բրիտանիայի, Ճապոնիայի, Կորեայի Հանրապետության, Սլովենիայի և Մալթայի աջակցմամբ»,- հայտնել են դիվանագիտական ներկայացուցչությունում։ ՌԴ-ն ՄԱԿ-ի Անվտանգության խորհրդին խնդրել է հոկտեմբերի 31-ին…

Իսլամական հեղափոխության առաջնորդը հայտարարել է, որ Իսրայելի վերջին գործողությունները պետք չէ ոչ չափազանցել, ոչ թերագնահատել։ Անվտանգության ուժերի զոհված աշխատակիցների հազարավոր ընտանիքներ կիրակի առավոտյան հանդիպել են Իսլամական հեղափոխության բարձրագույն առաջնորդ այաթոլլա Խամենեիի հետ։ «Նրանք սխալ են թույլ տվել, և հենց իրենք են այն գերագնահատում։ Դա սխալ է, սակայն հիշեք՝ թերագնահատելն էլ է սխալ։ Սխալ է ասել…

Վրաստանում խորհրդարանի ընտրության օրը քվեարկության գործընթացը լավ կազմակերպված է եղել, պետք է նշել, որ ընտրողների ակտիվ ուսուցում և իրազեկում էր անցկացվում նորագույն տեխնոլոգիաների կիրառման վերաբերյալ։ Այս մասին հայտարարել է ԵԱՀԿ հատուկ համակարգող Պասկալ Ալիզարը։ «Սակայն պետք է նշել ֆինանսական ռեսուրսներում նկատելի անհավասարակշռությունը և իշխանության ղեկին գտնվող ուժի առավելությունն արդեն իսկ անհավասար տարածք էր ստեղծում գործողությունների…

Վրաստանի ընդդիմադիր չորրորդ ուժը՝ «Հանուն Վրաստանի»-ն, հրաժարվել է ընդունել երկրում կայացած խորհրդարանի ընտրության արդյունքների վերաբերյալ ԿԸՀ տվյալները։ Համաձայն դրանց՝ հաղթողն իշխող «Վրացական երազանք» կուսակցությունն է՝ 54,2 տոկոս ձայներով։ Նշենք, որ ընդդիմադիր ուժերի ձայները գումարային հաշվարկով կազմել են 37 տոկոս։ Ավելի վաղ ընտրապայքարի մասնակից երեք հիմնական ընդդիմադիր կուսակցությունները հայտարարել են, որ ընտրությունների՝ ԿԸՀ հրապարակած արդյունքները չեն…

Ադրբեջանի նախագահ Իլհամ Ալիևը շնորհավորել է Վրաստանի վարչապետ Իրակլի Կոբախիձեին Վրաստանի խորհրդարանական ընտրություններում «Վրացական երազանք» կուսակցության հաղթանակի առիթով և հրավիրել է Ադրբեջան: «Հավատում եմ, որ ընտրությունների արդյունքները կնպաստեն Վրաստանի զարգացմանն ու բարգավաճմանը: Միևնույն ժամանակ, վստահություն եմ հայտնում, որ ընտրությունների արդյունքները կնպաստեն ադրբեջանա-վրացական միջպետական հարաբերությունների կայուն զարգացմանը, ինչը թելադրված է մեր ժողովուրդների կամքով, որոնք պատմականորեն ապրում…

Իսրայելը կարողացել է վնաս հասցնել Իրանի պաշտպանական ներուժին և հրթիռային արտադրությանը։ Նման համոզմունք է հայտնել Իսրայելի վարչապետ Բենիամին Նեթանյահուն։ Վերջինս նշել է, թե իսլամական հանրապետությանն ուղղված իսրայելական հարվածը «եղել է հզոր» և «հասել է բոլոր նպատակներին»։ «Մենք հզոր հարված ենք հասցրել Իրանի պաշտպանական կարողություններին և մեզ թիրախավորող հրթիռների արադրության հնարավորություններին: Դա եղել է ճշգրիտ և…

Վրաստանի ընդդիմադիր «Միասնություն – ազգային շարժում» և «Կոալիցիա՝ հանուն փոփոխության» կուսակցությունները հայտարարել են, որ Վրաստանում կայացած ընտրության արդյունքները չեն ճանաչելու։ Վերջիններս հայտարարել են, որ խորհրդարան չեն մտնելու և մանդատները չեն վերցնելու։ «Կոալիցիա՝ հանուն փոփոխության» կուսակցությունը ձայների 72․36 տոկոսի հաշվարկի արդյունքում ստացել է քվեների 11,18 տոկոսը։ Կուսակցությունում «Վրացական երազանք»-ի հաղթանակը «ընտրության գողություն» են անվանել։ Քաղաքական ուժը…

Վրաց ժողովուրդն անվիճելի ընտրություն է կատարել, այն ընտրել է խաղաղությունը ու ընտրել երկրի զարգացումը, եվրոպական լուսավոր ապագան, հայտարարել է Վրաստանի վարչապետ Իրակլի Կոբախիձեն այսօր հրավիրված ճեպազրույցում:   Նախնական տվյալով՝ 3100 ընտրատեղամասերից (99,646%) ստացված արդյունքների համաձայն, որը հրապարակվել է Վրաստանի ԿԸՀ-ի կայքում, «Վրացական երազանք» կուսակցությունը ստացել է ընտրողների ձայների 54,09 տոկոսը (1 117 480 ընտրող):  …

Վրաստանի Կենտրոնական ընտրական հանձնաժողովի նախնական արդյունքները չեն արտացոլում վրաց ժողովրդի կամքը, իսկ հրապարակված արդյունքները հակասում են Վրաստանի ընտրությանը, հայտարարել է «Հզոր Վրաստան» կոալիցիայի առաջնորդներից Աննա Դոլիձեն ճեպազրույցի ժամանակ: «Վրացական երազանք» կուսակցությունը, երկրում կայացած խորհրդարանի ընտրության արդյունքներով, ընտրատեղամասերի 97 տոկոսի ձայների հաշվարկի արդյունքում, խորհրդարանում մեծամասնություն է ստանում: «Մենք զայրացած ենք, թե ինչ է համարձակվել գրել ԿԸՀ-ն:…

Իրանի միջուկային օբյեկտներին իսրայելական հարվածները չեն առնչվել, հայտնել է ԱԷՄԳ-ի գլխավոր տնօրեն Ռաֆայել Գրոսսին։ «ԱԷՄԳ-ի տեսուչներին վտանգ չի սպառնում, վերջիններս շարունակում են իրենց՝ կենսական կարևոր աշխատանքը։ Ես խոհեմության և զսպվածության կոչ եմ անում այն գործողություններում, որոնք կարող են վտանգի տակ դնել միջուկային և այլ ռադիոակտիվ նյութերի անվտանգությունն ու ամբողջականությունը»,- ասել է նա։

Իսրայելի վարչապետ Բենիամին Նեթանյահուի գրասենյակը կեղծ է անվանել հաղորդագրությունները, թե Իսրայելն Իրանի էներգետիկ օբյեկտներին չի հարվածել ԱՄՆ ճնշման պատճառով։ Գրասենյակից շեշտել են, որ հարվածի թիրախների ընտրությունն արվել է ավելի վաղ՝ ազգային շահերին համապատասխան։ «Հաղորդագրությունը, համաձայն որի՝ Իսրայելն Իրանի նավթագազային օբյեկտների նկատմամբ հարձակման մտադրությունը փոխել է ամերիկյան ճնշման պատճառով, ամբողջությամբ սուտ է։ Իսրայելն ավելի վաղ է…