Ուկրաինայի զինված ուժերը հարվածներ է հասցնում Ռուսաստանի ալկոհոլային գործարաններին, քանի որ դրանք օգտագործվում են ոչ միայն ալկոհոլի արտադրության, այլ նաև ռազմական կարիքների և պայթուցիկ նյութերի համար վառելիք պատրաստելու նպատակով: Այդ մասին հայտարարել է Ուկրաինայի ապատեղեկատվության հակազդման կենտրոնի ղեկավար Անդրեյ Կովալենկոն: Նրա խոսքով՝ վերջերս Ուկրաինական դրոնները հարվածներ են հասցրել Ռուսաստանի տարածքում գտնվող չորս ձեռնարկությունների՝ «Բիոխիմ» ձեռնարկությանը,…

Կազանում այսօր մեկնարկում է BRICS-ի 16-րդ գագաթնաժողովը՝ Ռուսաստանի նախագահ Վլադիմիր Պուտինի նախագահությամբ:  Գագաթնաժողովը կանցկացվի հոկտեմբերի 22-24-ը։ Դրան կմասնակցի ավելի քան 30 երկրի ներկայացուցիչ: Գագաթնաժողովի օրակարգում են ճգնաժամերը, բազմաբևեռության ձևավորումն ու BRICS-ին նոր պետությունների անդամակցության հարցը: Գագաթնաժողովի շրջանակում Ռուսաստանի նախագահը մի շարք երկկողմ հանդիպումներ կունենա: Ավելի վաղ ՀՀ վարչապետ Նիկոլ Փաշինյանը հայտարարել էր գագաթնաժողովին մասնակցելու մասին:

Խորհրդարանը քննարկում է Կառավարության ներկայացրած՝ Հայաստանի ու Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի ու Ադրբեջանի և Հայաստանի միջև պետական սահմանի սահմանազատման պետական հանձնաժողովի համատեղ գործունեության մասին կանոնակարգը վավերացնելու մասին օրենքի նախագիծը: Հակիրճ ներկայացնելով կանոնակարգի բովանդակությունը՝ հիմնական զեկուցող, Հայաստանի փոխվարչապետ Մհեր Գրիգորյանը հայտնեց՝ այն ստորագրվել է 2024 թ. օգոստոսի 30-ին՝ երկու երկրների…

Եվրամիության արտաքին քաղաքական ծառայության ներկայացուցիչ Պետեր Ստանոն անդրադարձել է այն պայմաններին, որոնցում անցել է Մոլդովայում ԵՄ-ին անդամակցության հանրաքվեի ընտրարշավը: «Մենք գիտենք, որ այդ քվեարկությունը տեղի է ունեցել Ռուսաստանի և նրա վստահությունը վայելող անձանց աննախադեպ միջամտության և ահաբեկման պայմաններում, որոնք փորձել են ապակայունացնել Մոլդովայում ժողովրդավարական գործընթացը»,- հայտարարել է Ստանոն՝ առանձնացնելով, մասնավորապես, ձայներ գնելու փորձերը և քարոզչությունը:…

Ադրբեջանում արդեն երկրորդ օրը շարունակվող առատ տեղումների հետևանքով հեղեղվել են Բաքվի փողոցներն ու ճանապարհները։ Սոցիալական ցանցերի ադրբեջանական տիրույթում տարածվել են բազմաթիվ տեսանյութեր Բաքվի տարբեր հատվածներից։ Որոշ փողոցներ և թունելներ փակվել են, մեքենաներն ամբողջովին ջրի տակ են հայտնվել։ Հեղեղվել է նաև Բաքվի Նարիմանովի շրջանի Հեյդար Ալիևի պողոտայի կամրջի տակ գտնվող թունելը:

Ադրբեջանական ծագմամբ Իսրայելի յոթ քաղաքացի կասկածվում է Իրանի օգտին լրտեսության համար: Լրատվամիջոցների տվյալով՝ նրանք երկու տարվա ընթացքում մոտ 600 առաջադրանք են կատարել՝ տեղեկություններ փոխանցելով Իսրայելի ռազմավարական կարևոր օբյեկտների մասին, որոնք վերջերս իրանական հրթիռային հարվածի թիրախ են դարձել: Կասկածյալները ձերբակալվել են սեպտեմբերի 19-ին. նրանց դեմ շուտով մեղադրական հայց կներկայացվի լրտեսության և թշնամու հետ համագործակցության մեղադրանքներով: Մեղադրյալների…

Սպիտակ տունը խորապես մտահոգված է Իսրայելի կողմից Իրանին պատասխան հարվածի նախապատրաստման մասին հետախուզական տվյալներ պարունակող գաղտնի փաստաթղթերի արտահոսքով։ Սպիտակ տան Ազգային անվտանգության խորհրդի ռազմավարական հաղորդակցության համակարգող Ջոն Քիրբին նշել է, որ նախագահ Ջո Բայդենն ակտիվորեն կհետևի հետաքննության ընթացքին, ինչպես նաև միջոցներ կդիտարկի միջադեպի հետևանքների մեղմման և արտահոսքի կրկնության կանխարգելման ուղղությամբ։

Երեքշաբթի՝ հոկտեմբերի 22-ին, Եվրախորհրդարանը քննարկելու է Ադրբեջանում քաղաքական իրավիճակը և մարդու իրավունքների խնդիրները:    «Երեքշաբթի ԵԽ պատգամավորները քննարկումներ կանցկացնեն ԵՄ հանձնաժողովի հետ, իսկ հինգշաբթի կկայանա բանաձևի քվեարկություն: Քննարկումները կկենտրոնանան նաև Ադրբեջանի և Հայաստանի հարաբերությունների ուղղությամբ:»,- նշված է ԵԽ մամուլի ծառայության տարածած հաղորդագրության մեջ։ 

ԱՄՆ նախագահը իր հատուկ հարցերով օգնական, Ազգային անվտանգության խորհրդի՝ Եվրոպայի հարցերով ավագ տնօրեն Մայքլ Քարփենթերի հետ նամակ է հղել Ադրբեջանի նախագահին: Նշվում է, որ Ջո Բայդենը գոհունակություն է հայտնել Հայաստանի և Ադրբեջանի միջև խաղաղության պայմանագրի կնքման ուղղությամբ առաջընթացի կապակցությամբ, ընդգծել, որ դա կծառայի երկու երկրի միջև հարաբերությունների կարգավորմանը։   Սպիտակ տան ղեկավարը հավատացրել է, որ…

ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը Բաքվում հանդիպել է Ադրբեջանի նախագահի հետ: Պաշտոնյան կրկնել է, որ Վաշինգտոնն աջակցում է Հայաստանի և Ադրբեջանի միջև խաղաղության պայմանագրի շուտափույթ կնքմանը՝ նշելով, որ այժմ դրա համար բացառիկ պատմական հնարավորություններ են ստեղծվել։ Նա հավելել է՝ փաստաթղթի հաջող ստորագրումը նոր հեռանկար կբացի տարածաշրջանային գործակցության…

Միլիարդատեր Իլոն Մասկը կիրակի՝ հոկտեմբերի 20-ին, Փիթսբուրգում տեղի ունեցած միջոցառման ժամանակ մի կնոջ հանձնել է 1 միլիոն դոլար արժողությամբ երկրորդ չեկը, ասվում է America PAC-ի X-ի գրառման մեջ: Կիրակնօրյա կտրոն ստացողը բեմում շնորհակալություն է հայտնել Tesla-ի գործադիր տնօրենին, որն իր հարստությունն ու պատասխանատվությունն օգտագործում է ազատ խոսքի խթանման համար, գրում է Reuters-ը: Փենսիլվանիայի դեմոկրատ նահանգապետ…

Եվրամիության երկրները կքննարկեն հակամարտության ավարտից հետո Ուկրաինա խաղաղապահներ ուղարկելու հարցը։ Այդ մասին հայտնում է Politico-ն՝ հղում անելով աղբյուրներին։ «Եվրոպացի խաղաղապահներ Ուկրաինա ուղարկելու հարցը վաղ թե ուշ կառաջանա»,- մեջբերում է պարբերականը անանուն եվրոպացի պաշտոնյայի խոսքը։

Ադրբեջանի արտգործնախարար Ջեյհուն Բայրամովն ընդունել է ԱՄՆ նախագահի հատուկ օգնական և Ազգային անվտանգության խորհրդում եվրոպական հարցերով ավագ տնօրեն Մայքլ Քարփենթերի գլխավորած պատվիրակությանը։ Հանդիպմանը քննարկվել են Ադրբեջանի և ԱՄՆ-ի երկկողմ ու տարածաշրջանային հարցեր, Ադրբեջանի և Հայաստանի միջև հարաբերությունների կարգավորման գործընթացի ներկա իրավիճակն ու հեռանկարները։

Հոկտեմբերի 20-ին Ռուսաստանի մի քանի շրջաններ ենթարկվել են ուկրաինական անօդաչու թռչող սարքերի հարձակմանը։ Դրանց թվում են Նիժնի Նովգորոդի և Լիպեցկի շրջանները, մայրաքաղաք Մոսկվան: Ուկրաինայի զինված ուժերի գլխավոր շտաբը հայտնել է Լիպեցկի մարզում «Լիպեցկ-2» ռազմական օդանավակայանին և Ռուսաստանի Նիժնի Նովգորոդի մարզի Ձերժինսկ քաղաքի Յա. Մ. Սվերդլովի անվան գործարանին հարվածելու մասին։ Ուկրաինական զինվորականների տվյալներով՝ Լիպեցկի մերձակայքում գտնվող…

«Միսս Տիեզերք Հայաստանի» ինստագրամյան էջում հրապարակվել է Հայաստանի հաղթող Իրինա Զախարովայի՝ մրցույթին մասնակցելուց հրաժարվելու մասին հայտարարությունը: «Ցավով տեղեկացնում ենք, որ «Միսս Տիեզերք Հայաստանի» հաղթող Իրինա Զախարովան չի կարողանա մեկնել Մեքսիկա և մասնակցել «Միսս Տիեզերք» մրցույթին։ Մենք երկար նախապատրաստական ​​աշխատանք ենք իրականացրել, և բոլորը վճռական էին հաջող հանդես գալ: Սակայն ընտանեկան հանգամանքների բերումով Իրինան դժվարին որոշում…

Հոկտեմբերի 26-ին երկրում կայանալիք խորհրդարանի ընտրությանն ընդառաջ` տասնյակ հազարավոր մարդիկ կիրակի Թբիլիսիում մասնակցել են եվրոպամետ հանրահավաքին։ Այս մասին հայտնել է AFP-ն։ Թբիլիսիի կենտրոնական` Ազատության հրապարակում, ցուցարարները ծածանել են Եվրամիության և Վրաստանի դրոշները, ոմանք՝ «Վրաստանն ընտրում է Եվրամիությունը» գրությամբ պաստառներ։ Ցույցը նախաձեռնել են վրացական մի քանի հասարակական կազմակերպություններ, այդ թվում՝ «Վրաստանի եվրոպական ուղեծիրը» և «Իմ ձայնը…

Երկուշաբթի վաղ առավոտյան Կիև է ժամանել ԱՄՆ պաշտպանության նախարար Լլոյդ Օսթինը: Սա նրա չորրորդ և, հավանաբար, վերջին այցն է ԱՄՆ նախագահի ընտրությունից առաջ, գրում է BBC-ն։ Ենթադրվում է, որ կքննարկվեն Կիևին իր պաշտպանությունն ուժեղացնելուն ուղղված ԱՄՆ ջանքերը, քանի որ ռուսական զորքերը առաջ են շարժվում երկրի արևելքում: Ըստ Ուկրաինայի ռազմաօդային ուժերի տեղեկության՝ կիրակի լույս երկուշաբթի գիշերը…

Իրանի Իսլամական հանրապետությունում Հայաստանի Հանրապետության դեսպանությունից հայտնում են, որ  հոկտեմբերի 20-ին դեսպանություն  է այցելել Իրանի Կիոկուշին կարատեի մարզիկ Ահմադ Բաղերիին և ի հիշատակ 44-օրյա պատերազմում զոհված իր ընկեր Արթուր Սուքիասյանի՝ դեսպան Արսեն Ավագյանին հանձնել վերջերս Դանիայի Աալբորգ քաղաքում կայացած մրցապայքարում նվաճած ոսկե մեդալը:     Դեսպան Ավագյանը բաձր է գնահատել իրանցի մարզիկի քայլը, նրան մաղթել…

ԱՄՆ-ում 83 տարեկան հասակում մահացել է Թուրքիայում ահաբեկչական ճանաչված FETO կազմակերպության ղեկավար, հասարակական և կրոնական գործիչ Ֆեթուլլահ Գյուլենը։ Այս մասին հայտնում են CNN Turk-ը և Habertürk-ը։ Իր կենդանության օրոք Գյուլենը համարվում էր Թուրքիայի երկրորդ ամենաազդեցիկ մարդը նախագահ Ռեջեփ Թայիփ Էրդողանից հետո։ Նրան հաջողվեց ստեղծել հզոր իսլամական շարժում, որն ունի միլիոնավոր համախոհներ ամբողջ աշխարհում: Թուրքիայի իշխանությունները…

Թուրքիայի արտաքին գործերի նախարար Հաքան Ֆիդանն իրանցի գործընկեր Աբբաս Արաղչիի հետ համատեղ ասուլիսի ժամանակ կենտրոնացել է Իսրայելի գործողությունների և տարածաշրջանային կայունության հարցում դրանց հնարավոր հետևանքների վրա: «Մեր տարածաշրջանը կանգնած է չափազանց մեծ վտանգի առաջ: Իսրայելը, որը շարունակում է ցեղասպանությունը Գազայում, նաև արյունահեղություն է իրականացնում Լիբանանում։ Նեթանյահուն անընդհատ նոր ճակատներ է բացում տարածաշրջանում։ Նա փորձում է…

ԱՍԵԱՆ միջխորհրդարանական վեհաժողովի (AIPA) 45-րդ գագաթնաժողովի շրջանակում ՀՀ Ազգային ժողովի նախագահի տեղակալ Հակոբ Արշակյանը հոկտեմբերի 19-ին հանդիպել է Հնդկաստանի խորհրդարանական պատվիրակության ղեկավար Ռամեսվար Թելիին: Հակոբ Արշակյանն ընդգծել է պատմամշակութային խորը հենք ունեցող հայ-հնդկական բարեկամական հարաբերությունները և նշել, որ Հնդկաստանի հետ համապարփակ համագործակցությունն ամրագրված է Կառավարության ծրագրի առաջնահերթություններում: ԱԺ փոխխոսնակը կարևորել է միջխորհրդարանական արդյունավետ փոխգործակցության ակտիվացումը՝…