ԱՄՆ նախագահ Ջո Բայդենը ՄԱԿ-ի Գլխավոր վեհաժողովի իր ելույթում անդրադարձել է Ուկրաինայում ընթացող պատերազմին, Գազայում իրավիճակին և Իսրայելի ու լիբանանյան «Հըզբոլլահ» շարժման միջև ռազմական գործողություններին: «Ես կոչ եմ անում բոլորին՝ կանգնել Ուկրաինայի կողքին։ Պուտինը պարտվում է պատերազմում, քանի որ Ուկրաինան մնում է ազատ: Նա փորձել է թուլացնել ՆԱՏՕ-ն, սակայն ՆԱՏՕ-ն այսօր ավելի միասնական է, քան…

Թբիլիսիի մերձակայքում գտնվող ՆԱՏՕ-Վրաստան համատեղ վարժական կենտրոնի զորավարժարանում տեղի է ունեցել «ETERNITY 2024» բազմազգ հրամանատարաշտաբային զորավարժությունների բացման պաշտոնական արարողությունը: Հաղորդվում է, որ զորավարժության շտաբային և դաշտային բաղադրիչներին մասնակցում են Վրաստանի, Թուրքիայի և Ադրբեջանի զինծառայողները, ինչպես նաև Վրաստանի ՆԳՆ Խողովակաշարերի ռազմավարական պաշտպանության դեպարտամենտի և «Վրացական երկաթուղու» ներկայացուցիչները: Նշվում է, որ զորավարժությունը նպատակ ունի «բարելավելու միջգերատեսչական համակարգումը…

Մոսկվան խստորեն դատապարտում է Իսրայելի կողմից Լիբանանի նկատմամբ իրականացվող լայնածավալ ռազմական հարձակումները՝ ասված է ՌԴ ԱԳՆ պաշտոնական ներկայացուցիչ Մարիա Զախարովայի մեկնաբանության մեջ։ Նա անթույլատրելի է որակել հարձակումները, որոնց զոհ են դառնում քաղաքացիական անձինք: «Կոչ ենք անում անհապաղ դադարեցնել ռազմական գործողությունները, ինչը կկանխի հետագա արյունահեղությունը և պայմաններ կստեղծի իրավիճակը քաղաքական-դիվանագիտական կարգավորման հուն տեղափոխելու համար»,- ընդգծել է…

Երրորդ տարին անընդմեջ ՄԱԿ-ի Կլիմայի փոփոխության համաժողովն անցկացվում է բռնատիրական պետությունում, որը լրջորեն սահմանափակում է խոսքի և խաղաղ հավաքների ազատությունը՝ նշված է Human Rights Watch-ի հաղորդագրության մեջ: «Ադրբեջանում COP29-ին մասնակցող կառավարությունները պետք է կատարեն իրենց պարտավորությունները մարդու իրավունքների ոլորտում և հստակ ուղերձ հղեն, որ կլիմայի փոփոխության դեմ պայքարի գործողությունները պահանջում են անկախ ձայների նշանակալի մասնակցություն»,-…

ՄԱԿ-ի Գլխավոր վեհաժողովի 79-րդ նստաշրջանի շրջանակում «Ապագայի գագաթնաժողովում» ունեցած ելույթում Ադրբեջանի արտաքին գործերի նախարար Ջեյհուն Բայրամովը հայտարարել է, թե Բաքուն Երևանին առաջարկել է խաղաղության հաստատման օրակարգ՝ հիմնված Ադրբեջանի և Հայաստանի միջև ինքնիշխանության և տարածքային ամբողջականության փոխադարձ ճանաչման և հարգանքի վրա: «Մենք կոչ ենք արել վերացնել մնացած խոչընդոտները և ընդգծել ենք այդ նպատակին հասնելու համար քաղաքական…

Բաքվում տեղի է ունեցել Ռուսաստանի նախագահի Մերձավոր Արևելքի և Աֆրիկայի երկրների հարցերով հատուկ ներկայացուցիչ, արտաքին գործերի նախարարի տեղակալ Միխայիլ Բոգդանովի հանդիպումը Ադրբեջանի նախագահի արտաքին քաղաքականության գծով օգնական Հիքմեթ Հաջիևի հետ: ՌԴ ԱԳՆ հաղորդագրության համաձայն՝ տեղի է ունեցել փոխադարձ հետաքրքրություն ներկայացնող միջազգային և տարածաշրջանային խնդիրների շուրջ կարծիքների փոխանակում: Զրուցակցները հատուկ ուշադրություն են դարձրել Մերձավոր Արևելքում իրավիճակին,…

ԱՄՆ նախագահ Ջո Բայդենը Սպիտակ տանն ընդունել է Արաբական Միացյալ Էմիրությունների նախագահ Մուհամեդ բեն Զայեդ Ալ-Նահյանին: Հանդիպման օրակարգում են եղել Մերձավոր Արևելքում իրավիճակը, Իսրայել-Լիբանան լարվածությունը թուլացնելու ուղիները և Գազայում հրադադար հաստատելու հնարավորությունը։   Շեյխ Մուհամեդ բեն Զայեդ Ալ-Նահյանը հայտարարել է՝ իր երկիրն «անդրդվելի հանձնառություն ունի»՝ աշխատելու Միացյալ Նահանգների հետ և խորացնելու դաշնակիցների միջև ռազմավարական գործընկերությունը:…

Իրանի նախագահ Մասուդ Փեզեշքիանը Նյու Յորքում հանդիպել է Եվրոպական խորհրդի նախագհ Շառլ Միշելի հետ։   Հանդիպման ընթացքում, Իրանի նախագահի գրասենյակի հաղորդագրության համաձայն, Փեզեշքիանը նշել է, որ երկրի նոր կառավարությունը նպատակ ունի ընդլայնելու փոխըմբռնումը, համերաշխությունն ու համագործակցությունը:   Փեզեշքիանը դատապարտել է Իսրայելի գործողությունները, նշել՝ Թել Ավիվը փորձում է Թեհրանին ներքաշել պատերազմի մեջ: Նա ընդգծել է, որ…

Նյու Յորքում ՄԱԿ-ի 79-րդ Գլխավոր վեհաժողովի շրջանակում ելույթ է ունեցել ԱՄՆ պետքարտուղարը: Էնթոնի Բլինքենը հայտարարել է՝ այսօր ՄԱԿ-ի կանոնադրության հիմնական սկզբունքները՝ երկրների ինքնիշխանությունը, տարածքային ամբողջականությունը, անկախությունը քանդելու կամ հիմնովին փոփոխելու փորձերն անընդունելի են։    «Կառույցի անդամ ոչ մի երկիր իրավունք չունի ուժով վերագծել մյուս երկրի սահմանները կամ ճնշել սեփական ժողովրդին։ Մենք նաև դեմ ենք տարբեր…

Ադրբեջանի պաշտպանության նախարար Զաքիր Հասանովի հրավերով Իտալիայի պաշտպանության նախարար Գվիդո Կրոզետոն ժամանել է Բաքու՝ մասնակցելու ADEX ադրբեջանական 5-րդ միջազգային պաշտպանական ցուցահանդեսին: Իտալական պատվիրակությանը դիմավորել են պաշտպանության նախարարի տեղակալ Ագիլ Գուրբանովը և նախարարության ղեկավար կազմը: Այցի շրջանակում կքննարկվեն Ադրբեջանի և Իտալիայի միջև ռազմական համագործակցության հեռանկարները:

«Հըզբոլլահը» պատասխան հարվածներ է հասցրել Իսրայելի հյուսիսին, թիրախում են եղել ռազմական բազաները և օդանավակայանները՝ հայտնում են արաբական լրատվամիջոցները: Հայֆա նավահանգստային քաղաքում հրթիռային տագնապ է հայտարարվել: Լիբանանից հրթիռակոծությունների ֆոնին Իսրայելում մինչև սեպտեմբերի 30-ը արտակարգ դրություն է սահմանվել:   Ավելի վաղ իսրայելական բանակը հայտարարել էր, որ հարվածներ է հասցրել «Հըզբոլլահի» շուրջ 1300 թիրախի: Պայթյուն է լսվել Լիբանանի…

ՄԱԿ-ի Գլխավոր վեհաժողովի 79-րդ նստաշրջանի շրջանակում հանդիպել են Ռուսաստանի փոխարտգործնախարար Սերգեյ Վերշինինը և Ադրբեջանի փոխարտգործնախարար Յալչին Ռաֆիևը: ՌԴ ԱԳՆ հաղորդագրության համաձայն՝ Բաքվում կայանալիք COP-29-ին ընդառաջ մտքեր են փոխանակվել կլիմայի օրակարգի շուրջ: Քննարկվել են նաև Նյու Յորքում ընթացող ՄԱԿ-ի «Ապագայի գագաթնաժողովի» արդիական հարցերը, զարգացող երկրների առջև ծառացած խնդիրների համար արդյունավետ լուծումներ գտնելու անհրաժեշտությունը:

Նյու Յորքում ՄԱԿ 79-րդ Գլխավոր վեհաժողովի շրջանակում հանդիպել են Իրանի և Թուրքիայի նախագահները: Մասուդ Փեզեշքիանը և Ռեջեփ Էրդողանը քննարկել են երկու երկրի հարաբերությունները, Մերձավոր Արևելքում իրավիճակը, տարածաշրջանային և համաշխարհային զարգացումները։   Թուրքական ԶԼՄ-ների տվյալով՝ Էրդողանն ընդգծել է Պաղեստինում և Լիբանանում Իսրայելի ագրեսիայի դեմ համապատասխան քայլեր ձեռնարկելու և տարածաշրջանում խաղաղություն և կայունություն հաստատելու կարևորությունը։ Նախագահները նաև…

Խաղաղությունն ու անվտանգությունը պետք է աշխարհում փոխարինեն արյունահեղությանն ու պատերազմին, հայտարարել է Իրանի նախագահ Մասուդ Փեզեշքիանը՝ հավելելով, որ Իրանն այնպիսին չէ, ինչպիսին ներկայացնում են աշխարհի ԶԼՄ-ները, և հայտնելով, որ իր երկիրը պատրաստ է ապրել ամբողջ աշխարհի հետ՝ խաղաղ ու անվտանգ։ «Մեր հայացքը երկրին, տարածաշրջանին ու աշխարհին պարզ է ու թափանցիկ․ երբ ես առաջադրվում էի Իրանում…

Երկուշաբթի Լիբանանում «Հըզբոլլահ» շարժման դիրքերին իսրայելական ավիահարվածների հետևանքով զոհերի թիվը հասել է 274-ի, այդ թվում՝ 21 երեխա, հայտնել է երկրի առողջապահության նախարարությունը։ Ավելի վաղ Լիբանանի բնակիչները սկսել են իրենց հեռախոսներում տարհանման մասին ձայնագրություններ ստանալ Իսրայելից: Ըստ AP-ի՝ իսրայելական ծառայություններն ավելի քան 80 հազար նախազգուշական զանգ են կատարել՝ լիբանանցիներին կոչ են անելով «անհապաղ» տարհանվել բոլոր այն…

Իրանի իսլամական հեղափոխության պահապանների կորպուսը արգելել է իր զինծառայողներին օգտագործել հաղորդակցության ցանկացած տեխնիկական միջոց՝ Լիբանանում փեյջերների մի շարք պայթյուններից հետո: Այդ մասին հայտնում է Reuters-ը՝ Իրանի անվտանգության ծառայությունների երկու բարձրաստիճան ներկայացուցիչներին հղումով։ Աղբյուրներից մեկի համաձայն՝ ԻՀՊԿ-ը լայնածավալ գործողություն է իրականացնում՝ ստուգելու բոլոր սարքավորումները: Ըստ աղբյուրի՝ սարքերի մեծ մասը կա՛մ ինքնաշեն է եղել, կա՛մ ներմուծվել է…

Եվրոպական երկրները ինչ-որ պահի պետք է վերանայեն իրենց հարաբերությունները Ռուսաստանի հետ և մտածեն նոր աշխարհակարգի մասին, հայտարարել է Ֆրանսիայի նախագահ Էմանուել Մակրոնը՝ Փարիզում կայացած խաղաղության միջազգային համաժողովի ժամանակ: «Մենք փորձում ենք զարգացնել եվրոպական քաղաքական հանրությունը, բայց պետք է մտածենք Եվրոպայի կազմակերպման նոր ձևի մասին, այնուհետև վերաիմաստավորենք Ռուսաստանի հետ մեր հարաբերությունները՝ մտածելով այս մայրցամաքում խաղաղության մասին»,-…

Սեպտեմբերի 23-ին Ադրբեջանի քաղբանտարկյալների ազատության միությունը հրապարակել է քաղբանտարկյալների թարմացված ցուցակը, որում ներառված է 319 մարդ։ Ցուցակը կազմել են Խաղաղության և ժողովրդավարության ինստիտուտի տնօրեն Լեյլա Յունուսը և քաղբանտարկյալների մոնիթորինգի կենտրոնի ղեկավար Էլշան Հասանովը։ Հասանովը Turan-ին հայտնել է, որ նախորդ ցուցակից դուրս է մնացել «հավատացյալներ» կատեգորիայից երկու մարդ՝ Ալիկ Ասլանովը և Էլշան Աբասովը։ Միաժամանակ ցուցակը համալրվել…

Թուրքիայի պաշտպանական արդյունաբերության դեմ ամերիկյան պատժամիջոցները խաթարում են Անկարայի վստահությունը Վաշինգտոնի նկատմամբ՝ որպես Հյուսիսատլանտյան դաշինքի դաշնակցի։ Այդ մասին հայտարարել է Թուրքիայի նախագահ Ռեջեփ Էրդողանը, փոխանցում է Anadolu-ն։ Նա հավելել է, որ ամերիկյան CAATSA օրենքի համաձայն՝ սահմանված պատժամիջոցները և Անկարայի հեռացումը F-35 կործանիչների ծրագրից, «հակասում են ՆԱՏՕ-ի ոգուն»։ Օգոստոսի 28-ին Cumhuriyet թերթը, հղում անելով աղբյուրներին, հայտնել էր, որ…

ՄԱԿ-ն ընդունել է «Ապագայի պակտը»՝ կոչ անելով, ի թիվս այլ բաների, պայքարել սովի, անհավասարության և հակամարտությունների դեմ։ Նյու Յորքում  Միավորված ազգերի կազմակերպության Գլխավոր վեհաժողովը հաստատել է 21-րդ դարի մարտահրավերներին դիմակայելու՝ միավորման ծրագիրը: Այդ խնդիրները տատանվում են կլիմայի փոփոխությունից և արհեստական ​​բանականությունից մինչև հակամարտությունների սրում և անհավասարության ու աղքատության աճ: 42 էջանոց «Ապագայի պակտը» կոչ է…