Day: 16.11.2023

Ֆրանսիան ողջունում է Հայաստանի կողմից Միջազգային քրեական դատարանի (ՄՔԴ) Հռոմի ստատուտի վավերացման փաստաթուղթն ի պահ հանձնելը։ Այս մասին ասված է Ֆրանսիայի ԱԳՆ տարածած հայտարարության մեջ: «Այսպիսով, Հայաստանը դառնում է ՄՔԴ կանոնադրության 124-րդ մասնակից պետությունը»,- ասված է Ֆրանսիայի Եվրոպայի և ԱԳ նախարարության հայտարարության մեջ: Հիշեցնենք, որ նոյեմբերի 14-ին ՄԱԿ իրավական գրասենյակում տեղի է ունեցել Միջազգային քրեական…

Բաքուն հրաժարվել է մասնակցել նոյեմբերի 20-ին Վաշինգտոնում Ադրբեջանի և Հայաստանի արտգործնախարարների մակարդակով առաջարկվող հանդիպմանը: Որպես պատճառ նշվում է երեկ ԱՄՆ Կոնգրեսի արտաքին հարաբերությունների հանձնաժողովում «Լեռնային Ղարաբաղի ապագան» խորագրով քննարկման ընթացքում ԱՄՆ պետքարտուղարի օգնականի հայտարարությունները: Ադրբեջանի արտաքին գործերի նախարարությունը դրանք անվանել է «կողմնակալ և անընդունելի», հայտարարել, թե ԱՄՆ-ի մոտեցումը կարող է հանգեցնել Վաշինգտոնի միջնորդական դերի կորստին:…

ԱՄՆ Սենատն ընդունել է «Հայաստանի պաշտպանության ակտ 2023» օրինագիծը: Փաստաթղթի հաստատվելու դեպքում ԱՄՆ նախագահն այլևս չի կարողանա կասեցնել «Ազատության աջակցության ակտի» 907-րդ հոդվածը, այսինքն՝ Ադրբեջանին ռազմական օգնության տրամադրումը կարգելվի, քանի դեռ այդ երկիրը ձգտում է ԼՂ հակամարտությունը լուծել ուժի կիրառմամբ և ռազմական ճանապարհով: Որպեսզի օրինագիծն օրենք դառնա և գործողության մեջ մտնի, այն դեռևս պետք է…

Թուրքիայի Ազգային մեծ ժողովի արտաքին հարաբերությունների հանձնաժողովը որոշում է կայացրել հետաձգել ՆԱՏՕ-ին Շվեդիայի անդամակցության մասին օրինագծի քննարկումները: Ըստ թուրքական լրատվամիջոցների՝ քննարկումների նոր փուլի ամսաթիվը կորոշվի ավելի ուշ: ԶԼՄ-ների տվյալով՝ նիստի օրակարգում եղել են միջազգային այլ համաձայնագրեր և փաստաթղթեր:

Երուսաղեմում Ֆրանսիայի գլխավոր հյուպատոսությունն արձագանքել է Երուսաղեմի հայկական թաղամասում շարունակվող լարվածությանը: «Ֆրանսիան խոր մտահոգությամբ հետևում է Երուսաղեմի Հին քաղաքի հայկական թաղամասում շարունակվող լարվածությանը, որտեղ իսրայելցի վերաբնակիչների կողմից բռնի ճնշում է գործադրվում բնակչության նկատմամբ։ Այն պետք է անհապաղ դադարեցվի»,- նշված է գլխավոր հյուպատոսության X-ի միկրոբլոգում արված գրառման մեջ։

Թուրքիայի խորհրդարանի Պլանավորման և բյուջեի հանձնաժողովում երկրի պաշտպանության նախարարության 2024 թ․ բյուջեի քննարկման ժամանակ ՊՆ ղեկավար Յաշար Գյուլերը իր ելույթում նշել է. «Ադրբեջանի և Հայաստանի միջև մնայուն խաղաղության հաստատմանն ուղղված մի նոր հնարավորության պատուհան է բացվել։ Հուսով ենք, որ Հայաստանը կգործի այդ գիտակցմամբ»,- ասել է նախարարը։

Երուսաղեմի հայկական թաղամասի պաշտպանության և պահպանման շարժումը հաղորդագրություն է տարածել, որի համաձայն՝ թաղամասի «Կովերի պարտեզում» լարված իրավիճակ է: Նշվում է, որ նոյեմբերի 15-ին՝ ժամը 16:30-ի սահմաններում, հրեա վերաբնակիչների մեքենաների և մոտոցիկլետների շարասյունը մտել է «Կովերի պարտեզ», որից հետո քաղաքի հայ բնակիչները հավաքվել են այդտեղ և շրջափակել բարիկադավորված սահմանագիծը: Դեպքի վայր են ժամանել նաև Իսրայելի ոստիկանության…

ԵՄ ԱԳ նախարարները նոյեմբերի 13-ին, ի թիվս միջազգային օրակարգային հարցերի, քննարկել են Հայաստանի և Ադրբեջանի հարաբերությունները՝ հայտնել է ԵՄ արտաքին հարաբերությունների և անվտանգության հարցերով բարձր ներկայացուցիչը: Ժոզեպ Բորելի խոսքով՝ հարկավոր է պաշտպանել Հայաստանը թե՛ ներսից, թե՛ դրսից ապակայունացնելու փորձերից: «Նախևառաջ, մենք կամրապնդենք Հայաստանում մեր քաղաքացիական առաքելությունը։ Հայաստանի և Ադրբեջանի միջև բանակցությունները պետք է վերսկսվեն, հարկավոր…

ՀԱՊԿ միացյալ շտաբի պետ, գեներալ-գնդապետ Անատոլի Սիդորովը ճեպազրույցի ժամանակ անդրադարձել է Հարավային Կովկասի իրավիճակին: «Ինչ վերաբերում է Կովկասյան տարածաշրջանին, միջոցներ են առաջարկվել դեռ անցյալ տարի։ Հայաստանում ՀԱՊԿ պատվիրակության ու քարտուղարության աշխատանքից հետո զեկույց է եղել արտաքին գործերի նախարարներին, պաշտպանության նախարարներին, անվտանգության խորհրդի քարտուղարներին, զեկույց է եղել պետությունների ղեկավարներին, և բոլոր եզրակացությունների ու գնահատականների հիման վրա…

Ադրբեջանի արտաքին գործերի նախարարությունն արձագանքել է ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովում տեղի ունեցած լսումների ժամանակ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենի հայտարարություններին՝ դրանք անվանել «կողմնակալ, անարդյունավետ, անհիմն և անընդունելի»: «Ինչ վերաբերում է Ադրբեջանի բարձր ներկայացուցիչների հետ ԱՄՆ երկկողմ հանդիպումների և շփումների հետաձգմանը և այն հայտարարությանը, թե մեր երկկողմ հարաբերությունները չեն…

ԱՄՆ նախագահ Ջո Բայդենը Կալիֆոռնիայի Վուդսայդ քաղաքում հանդիպել է Չինաստանի նախագահ Սի Ծինփինի հետ: Սպիտակ տան հաղորդագրության համաձայն՝ երկու ղեկավարները անկեղծ և կառուցողական քննարկում են անցկացրել մի շարք երկկողմ և գլոբալ հարցերի շուրջ, կարծիքներ են փոխանակել տարաձայնությունների վերաբերյալ: Բայդենն ընդգծել է, որ Միացյալ Նահանգներն ու Չինաստանը մրցակցում են, և աշխարհն ակնկալում է, որ նրանք պատասխանատու…

Կարծում եմ՝ մեզանում պետական մակարդակով այդքան թշնամանք չի սերմանվել, որքան Ադրբեջանում, Ադրբեջանը պետք է ուժեղացնի աշխատանքը հասարակության հետ: Այս մասին խորհրդարանում՝ լրագրողների հետ զրույցում, ասաց ՀՀ ԱԺ նախագահ Ալեն Սիմոնյանը: Հարցին ի պատասխան՝ ի՞նչ են հուշում ընթացող զարգացումները, ե՞րբ կարող է ստորագրվել խաղաղության պայմանագիրը և ում հովանու ներքո, Սիմոնյանը հիշեցրեց՝ նախորդ տարի էլ էինք խոսում,…

Հավաքական անվտանգության պայմանագրի կազմակերպությունը չի կորցրել հետաքրքրությունը Կովկասյան տարածաշրջանի նկատմամբ: Այդ մասին ճեպազրույցի ժամանակ հայտարարել է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը: «Կազմակերպության ներսում չկա այնպիսի խոսակցություն, որ ՀԱՊԿ-ն կորցրել է հետաքրքրությունը Կովկասյան տարածաշրջանի նկատմամբ կամ պատրաստվում է դուրս գալ Հայաստանից: Նման բան ոչ ոքի մտքով չի անցնում»,- ասել է պաշտոնյան: Սիդորովը տեղեկացրել է,…

ԱՄՆ Կոնգրեսի արտաքին հարաբերությունների հանձնաժողովում ընթացող՝ «Լեռնային Ղարաբաղի ապագան» խորագրով քննարկման բացման ժամանակ ԱՄՆ Միջազգային զարգացման գործակալության տնօրենի՝ Եվրոպայի և Եվրասիայի հարցերով տեղակալ Ալեքսանդր Սոկոլովսկին ասել է.    «ԱՄՆ ՄԶԳ-ն և մեր գործընկեր գործակալությունները սերտորեն աշխատել են՝ ԼՂ-ում ստեղծված իրավիճակին արձագանքելու համար: Ամիսներ շարունակ Լաչինի միջանցքի շրջափակման պատճառով տարածաշրջանում իրավիճակը գնալով վատթարանում էր: Դրա պատճառով…

Բելգիայի արտգործնախարար Հաջա Լահբիբը X-ի իր միկրոբլոգում անդրադարձել է արտգործնախարար Արարատ Միրզոյանի հետ հանդիպմանը: «Հանդիպում ունեցա իմ հայ գործընկեր Արարատ Միրզոյանի հետ՝ մեր ժողովուրդներին միավորող կապերն է՛լ ավելի ամրապնդելու համար: Ընդգծել եմ Հայաստանի և Ադրբեջանի միջև խաղաղ գործընթացի կարևորությունը։ Բելգիան աջակցում է կայուն խաղաղության հասնելու Եվրամիության ջանքերին։ Մեր երկիրը շարունակելու է նաև աջակցել Հայաստանին և…

«Ակօս» շաբաթաթերթի հիմնադիր Հրանտ Դինքին սպանած Օգյուն Սամասթի նկատմամբ Թուրքիայում կիրառվել է պայմանական ազատազրկման որոշում։ Հիմնավորման մեջ նշվում է, որ հաշվի է առնվել Սամասթի «‎լավ պահվածքը»: Նման որոշումը կայացվել է Սամասթի 16 տարվա ազատազրկումից հետո։ Հրանտ Դինքը Ստամբուլի Շիշլի թաղամասում գտնվող «Ակօս» թերթի խմբագրության շենքի մոտ մահացու հրազենային վիրավորում էր ստացել 2007 թվականի հունվարի 19-ին:

ԱՄՆ Կոնգրեսի արտաքին հարաբերությունների հանձնաժողովում ընթացող «Լեռնային Ղարաբաղի ապագան» խորագրով քննարկման բացման ժամանակ ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ՛Բրայենն ասել է.   «Ադրբեջանի հետ բոլոր մակարդակների շփումներում մենք հստակ ազդակ ենք ուղարկել, որ Հայաստանի տարածքում ուժի կիրառումը բացարձակապես անընդունելի է: Բաքվի իշխանությունները մեզ վստահեցրին, որ նման նպատակ չունեն: Մենք այժմ ուշադրությամբ հետևում…

Իրանը մինչև 60 տոկոս հարստացված ուրանի բավարար քանակով է ապահովված, որպեսզի հետագա հարստացման պայմաններում այն բավարար լինի երեք ատոմային ռումբ ստեղծելու համար: Նման տեղեկություն է հաղորդում Reuters-ը` հղում անելով ԱԷՄԳ-ի գաղտնի զեկույցին: