Իրանի առաջին փոխնախագահ Մոհամմադ Ռեզա Արեֆին Թեհրանում ընդունել է Ադրբեջանի վարչապետ Ալի Ասադովին:
Ադրբեջանական կողմի տվյալով՝ օրակարգում են եղել երկկողմ հարաբերությունները, ինչպես նաև գործակցության հեռանկարը տնտեսության, առևտրի, ներդրումների, հաղորդակցությունների, նավթագազային, հումանիտար և այլ ոլորտներում։
Ըստ հաղորդագրության` կողմերը քննարկել են Իրանի տարածքով դեպի Նախիջևան տրանսպորտային ենթակառուցվածքի կառուցման հարցը: Անդրադարձ է եղել Հյուսիս-Հարավ տրանսպորտային միջանցքի զարգացմանը և այլ նախագծերի իրականացմանը։